Quote:
Originally Posted by AHMAD SHAKIL
Thaam Kar Haath Teri Yaad Jaha'an Chhodti Hai
Us Jagah Hasrat-e-Nakaam Dhuwa'an Chhodti Hai
Door Rehta Hun To Yaad aayen Hazaaron Baaten
Saamanay Aaye Jo Wo Saath Zuba'an Chhodti Hai
Jin Ke Honay Se Chala Karti Hain Saansen Aksar
Baad Un Ke Bhi Kahan Jism Ko Jaa'n Chhodti Hai
Is Se Barh Kar Hai Bhala Kaun Maseeha Jag Me
Zindagi Chhod Bhi De Maut Kaha'an Chhodti Hai
Jin Ke Har Gham Ki Sada Dhaal Bana Hun AHMAD
Teer Mujh Par Unhi Yaaron Ki Kama'an Chhodti Hai
|
Is Se Barh Kar Hai Bhala Kaun Maseeha Jag Me
Zindagi Chhod Bhi De Maut Kaha'an Chhodti Hai
WaaH ! AHMAD ALI SHAKIL Ji ! Kyaa Kahne ... Khoobsurat Khayaalaat Se Aarasta ... UmdaaH Ghazal Kahi Hai .... Sar Se Paa Talak ! Bakamaal Aur Kaamiyaab Peshkash ... Dilee Daad O Mubaaraqbaad !!!