Quote:
Originally Posted by sameer'shaad'
mere ashqoN kii qataaroN me jis kaa chehraa hai,
dil-e-naadaaN kaa muqaddar usii pe Thah'raa hai.
tamaam umr miTaaoge miT sakegaa nahii,
ye rang mohabbat kaa bahot gahraa hai.
khabar uDaa do zamaane me merii maiyyat kii,
wo yoon na sunegaa, zaraa saa bahraa hai.
use khayaal me laanaa bhi ab to mushkil hai,
baDaa hi keemtii hai laakh us pe pahraa hai.
sunaa hai "Shaad" wahaaN Phool khila karte hain,
tumhaare ghar me to veeraaniyaaN haiN sahraa hai.
Shaad....
|
Kya mast peshkash hai Sameer bhai.
tamaam umr miTaaoge miT sakegaa nahii,
ye rang mohabbat kaa bahot gahraa hai.
Thodi si modify kardi, sorry.
khabar uDD bhi jaye zamaane me merii maiyyat kii,
wo yoon na sunegaa, zaraa saa bahraa hai.
Poori nazam aapki bohat khoob hai.
Bura na maniyega, bas maine apne dil se apki nazam pe kuch likh diya.
Muaf kar dena. 