The Technical Aspects,Terms And Rules of Ghazal Writing.....

[sameer'shaad']

Masha Allaah Kshitij bhai.....


bahot hi khoobsurat aur zaruuri thread post ki hai aapne..... mujhe sabse zyaada mutasssir aapke lahze ne kiyaa,... aapki baat kahne ka andaaz hame bahot pasand aaya janaab... Allaah kare aap apne is maqsad me qamayab hoN.... aur agar is mas'ale me humaari koi bhi zaruurat ho to bejhijhak keh deIn....

ye bahot acchi shuruaat hai ghazal, shaayri seekhne waalo ke liye... aur hum log bhi taliboN ki fehrist me shumaar hain...

aapki agli post ka intzaar rahegaa... inshallah

Apna khayal rakkheN... khush raheN.. and keep posting the valuable information like this... take care bro

Shaad...

[kshitiz]

shukriya sameer bhai ..

issliye bhi ki .. aapke Qeemtii waQt ka ek bada hissa shayri ko mayassar hai ..

mere khyaal se aapko daawat dene ki koi zaroorat nahi hai .. ye aapka bhi farz hai ki barabar yahaaN bane rahiye .. aapki bahut zaroort parne waali hai yahaaN

aapki nazare inaayat ka tah e dil se shukrguzaar huN

apna khyaal rakhiye

[Ahmad Hyderabadi]

Originally Posted by kshitiz

adaab dostoN ..

bahut dinoN se dil meiN kuch baateiN thi jinhe aap saahebaan ke saath baaNtna chaah raha tha ..

mere shayri ke safar ko kareeb kareeb 17 saal hone waale haiN aur apne tajurbe se maine jo seekha kahiN na kahiN mera farz banta hai ki maiN use aap dostoN ke saath baaNtuu ..

yahaaN maiN ek baat saaf karna chaahunga ki maiN kisi ko kuch bhi sikhaane ki koshish nahi kar raha huN
haaN ..shayri ka safar shuru karne wale kisi bhi dost ko agar iss se faaida hota hai to mere liye ye fakR ki baat hogii


shayri naam zehan meiN aate hi ek alag sii romaaniyat aur khoobsoorat juzbaat ka aihsaas aapki shakhsiyat meiN juzb hone lagta hai ..

shayri ki iss buzm meiN mauzood har sukhanwar apne aap meiN Qaabil e taareef hai kyuN ki duniya meiN har shakhs ko ye aamad nahi ki vo apne dil ki baat shayri ke zariye bayaaN kar sake aur agar aap khudgo( shayar ) haiN to yaQeenan khuda ne aapko iss duniya meiN makhsoos rakha hai !

badi zaahir sii baat hai ki har cheez ko karne ka ek Qaaida hota hai to issi ke chalte shayri ke bhi kuch adaab haiN

amoonan .. SHER , QITA , GHAZAL aur NUZM shayri meiN sabse zyada pasand kii jaane waalii kism haiN

mere khyaal se jo aihbaab parhne ke saath saath khud bhi shayri karna chaahte haiN unhe shuruaat sher aur Qita kahne ki koshish karni chaahiye !

wajeh maiN saaf karna chaahunga ..

sher meiN 2 misreiN ( lines ) hote haiN aur unhi meiN apnii baat kahnii hoti hai ! to mere khyaal se chote se shuruaat karna zyada asaan hai ..

sher kahne ke kuch Qaaide haiN jinpe zaroor tavajjoh chaahunga

(1) sabse pehli aur zaroori baat ki sher ka mazmoon hona chaahiye ..
mani aap jo sher kah rahe haiN uska kuch matlab nikalna chaahiye !

(2) sher ke dono misre ek hi beher (rythem) meiN hone chaahiye !

(3) sher ko donoN misroN meiN rabt (relation) honi chaahiye aur aapki baat ka matlab dosra misra kahne ke baad nikalna chaahiye !

jahaaN tak maiN samjhta huN inke alawa agar aapko sher kahne ke liye kisi cheez ki zaroorat hai to vo hai .. aapki fikR

zaahir hai ki agar aap kuch kahna chaah rahe haiN to zaroor aapke dil meiN kuch hoga aur yaQeen maaniye fikR hona sher kahne ke liye sabse zaroori hai !

maiN QaaidoN ki gehraai meiN nahi jana chaahta kyuN ki shayri karne ke liye gehraai juzbaatoN ki honi chahiye .. aihsaasoN ki honi chaahiye aur phir shayri to khud ek khoobsoorat aihsaas hai to use kasrat kyuN banaya jaaye..

baaki chizoN pe bhi hum baarii baarii se baat karenge .. shayad maiN is post ko edit kar ke apnii baat wahiN se shuruN karuN jahaaN pe khatm kar raha huN !

is silsile meiN agar aapka koi sawaal ho to use bejhijhak rakhiye inshallaaH maiN aapko mutmain karne ki har mumkin koshish karunga ..

filhaal ijaazat chaahunga

zor e Qalam aur ziyada !!!

Tasleemaat Janab Khshitiz Saahab!

Buhat buhat shukriyaa janaab is khoobsoorat wa mufeed pahal kay liyay! InshaAllah aapkay is amal say bayhad faayda hoga talabaa e shayree ko! Thank You once again janab! Waiting for the next one...

[nishasharma1490]

very nice thread... nice way to teach the technical aspects and meaning of Shayri...Impressive forum must say....

[sameer'shaad']

Originally Posted by nishasharma1490

very nice thread... nice way to teach the technical aspects and meaning of Shayri...Impressive forum must say....

Many thanks Nisha jii..................................... these all efforts are done by our Sr. members for newer members to learn the basic guidelines of shayri.

thanks you like that, our efforts are successful...........

[aadeil]

To write a Ghazal, one must understand what is a ghazal.

Not going too much into the history and the technical aspects (which are already explained in other threads here, I will try to put here only the basic simple steps a beginner can and should follow.

So back to the first question; what is a ghazal?
A ghazal is a poem. Like we have couplets in a poem, so does a ghazal has couplets which are known as ashaar (pl. for sheyr).

Now, what is a sheyr?
The same way as couplets have stanzas, a sheyr will have stanzas (misraa).

Now let us remember our nursery rhymes to understand couplets and stanzas.

We will take the most famous nursery rhyme to understand that:
Twinkle twinkle little star
How I wonder what you are?

Up above the world so high
Like a diamond in the sky.

Now, we are taught only this much, however, this is a full poem with 12 couplets.

So, what is most important in a ghazal?
1. It should have ashaar (couplets). You can't have a ghazal with a single sheyr.
2. So traditionally, there should be minimum 4 ashaar in a ghazal.
3. Each sheyr should have only 2 misraa.

Now, looking back at our nursery rhyme, did you observe that each stanza has a rhyming word at the end in a couplet and each couplet has the same rhythm? Same rule stands for a ghazal (Its a poem after all). But still it is not a ghazal. Why? Let's look into that now:
1. Ghazal should have minimum 4 ashaar. (Now, if you refer to the whole poem, then this is a ghazal)
2. The ghazal should have rhyming ashaar. (This is also present)

But, here is why the above is not a ghazal.
3. First sheyr should have a rhyming misraa (This sheyr is a matlaa) followed by minimum 3 ashaar where only the second misraa should rhyme.
4. Each rhyming misraa should end with the matching words (Radeef). Though this is an exception. Ghazal which has a radeef missing is known as a gair-muraddaf ghazal. But it is still considered as a ghazal.
5. Each radeef should be preceded by a rhyming word. This is known as kaafiya. It is a must to have a kaafiya in a ghazal, else it is not a ghazal.

So, if I want to convert the above poem to make it a ghazal; then I will change it as follows:

Twinkle twinkle little star
How I wonder what you are?

Up above the world so high
How do I reach you so far?

I wish I could drive up there
and bring you back down in a jar

But my papa said to me
There, 'Safeer', you can't take the car

Now this becomes a gair-muraddaf ghazal as the radeef is missing, yet it is a ghazal as we have 4 ashaar, first sheyr ending with rhyming words, followed by each sheyr where the second misraa has words rhyming.

So, let us now look at some more terms which we will use while writing a ghazal.

In the above modified poem; let us look at the words:
star, are, far, jar, car.
These are kaafiya of the ghazal.

The first sheyr has kaafiya in both its misraa, this sheyr is called a matla.
The last sheyr has my alias in it 'Safeer'. This sheyr identifies the end of the ghazal. This sheyr is known as makta.

Each sheyr maintains the rhythm throughout. That is you can sing it with the same rhyme. This is known as beh'r. Beh'r is the metre which is maintained through out the ghazal. Ofcourse, we can't have a poem which will not rhyme? Similarly, metre or beh'r is important to keep the rhythm of the ghazal.

Now, since here we do not want to get too much into the explanation of beh'r, as this will make it more complicated for beginners, I will just stop here with this particular term. Just to elaborate a bit, there are 19 beh'rs which are based on the measurements of the syllables used in each misraa. You can refer to other topics here for detailed information, but that is later.

So, how will you start writing a ghazal? First start by singing your most favourite nursery rhymes or poems and try to identify the radeef, kafiya and beh'r of that nursery rhyme or poem. This will give you an idea of how you can frame your own stanzas. (Just to remind you, a ghazal is not restricted to any language; so don't think that an English or a Hindi or a poem in any other language won't fit in a ghazal.)

Now, to write a ghazal, first think of a topic on which you want to write a ghazal. Here, we are taking freedom to use a single topic, however, one should note that a true ghazal talks on different topics in each of its sheyr. However, for now, we will leave that for the great masters of ghazal. Writing such a ghazal needs lots of practice.

Then start by writing down the radeef that you want to use in your ghazal; e.g. hai, me'n, hota, meel jata, etc. Remember, this is the word that you are going to repeat at the end and should appear in the first 2 misraa of the ghazal and in the second misraa of each of the other ashaar.

Now, think of several kaafiya which will fit with the radeef. e.g. dekhA, likhA, rakkhA, etc. You will need minimum 5 kaafiya to complete a ghazal, how?
2 in first sheyr and 3 for second misraa in other ashaar.

Now start forming each sheyr and set the metre by singing them in rhythm. If you find that a word is not fitting and your rhythm is going off track, you can omit that word or change the position in the stanza. With some practice and dedication, you have written your first ghazal.

With more and more practice, you can write splendid ghazals.

Hope this helps the newbies here.

[sameer'shaad']

laajawaab peshkash Aadeil saahab........... bahot acchi koshish rahi hai aapki...
ghazal ko is tarah se bhi define kar sakte hain, ye apne aap me ik misaal hai.. bahot acche.. lage rahiye ghazal aur uske chaahne waalon ki khidmat me..

Shaad....

[Salman Ahmed 12121]

i am totally confused....
kuch samjh me nhi aa rha....

[Salman Ahmed 12121]

i am new n mene abhi abhi likhna shuru kiya hai....
agar koi galti ho jaye to maafi chata hun....
but me itne sari baaten padh kar confuse hi gya hun k gajal kya hai....
kya meri gajlen galat hain....
i dont know....
plssss reply den....
koi ek mukammal javab batyen jis par sab sehmat hon....

[Qasid]

Originally Posted by Salman Ahmed 12121

i am new n mene abhi abhi likhna shuru kiya hai....
agar koi galti ho jaye to maafi chata hun....
but me itne sari baaten padh kar confuse hi gya hun k gajal kya hai....
kya meri gajlen galat hain....
i dont know....
plssss reply den....
koi ek mukammal javab batyen jis par sab sehmat hon....

Aap agal tafseel se batayein ki aap ki confusion kya hai to aapko yakeenan madad milegi...

[Taish]

Salman saahib pehle sawaal to karen. Main samajh gaya ki aap confused hain par confusion kya hai ye batayen aur haan behr wali post pe is post ko samajhne ke baad jaayen nahi toh ulajh jayenge aap...

[masti]

Salman ji main apka prashn samajh gayi.

Shayri ek kala hai. Magar har kala mein nipun hone ke liye takneeki gyan awashyak hai. To yahaa wahi gyan ko sabse baantne ki koshish ki gayi hai.

Ab aapka prashn ki kya aapki ghazal ghalat hai?

Agar aapne jo likha usey ghazal ka naam denge to log usey in sab maapdando mein tolenge.to uss hisaab se woh ghazal hai hi nahi.

Apne vichaaro.n ko iss tarah se vyakt karna ki saamne wala ussey relate kar paaye aur sunne mein lutf aaye ye bhi lekhan kala ki shuruat hai to aapne shuruat kar di hai. Magar abhi manzil door hai.

All the best.

[masti]

Maine kuch kuch padaa aapko mujhe to sirf kuch sher hi dikhey. Aap agar Kisi particular Rachna Ki baat kar rahe hain to usey yahaa share kijiye.

[masoodhassas]

good

guftagoo sahee rukh pe jaa rahee hai

ab koi eyk ghazal len aor us ki bah pe guftagoo karen taaki us se har eyk ko faayedah pahonchey

bahr me hai to kis wjah se hai nahi hai to us ki kiyaa wajah hai is ko zaroor bataayen taaki har koi aasaani se samajh sakey

is baat ka dheyaan den

ho saktaa hai aaj yah baat bahot zeyaadah faayedah na dey magar aisaa zaroor ho saktaa hai jab jab koi nayaa aaye to is se bahot kuch seekh ke jaaye

behtar ho gaa ki s d c ki koi ghazal le ke usee bahr me kisee ustaaz ki ghazal le len aor donon ko saath me rakh kar samjhaane ki koshish karen

yaa is se behtar koi soorat aap ki smajh me aaye to us ko bhi istemaal kar saktey hain

[abdulqadeert]

aadab ,,,

yahan sub ne gaagar me sagar bhar diya hai ,, yaqeenan ye thread layaq-e-sad sataish hai ,, taham intezaar ab bhi sahebe ghazal ka baaqi hai jiske baad humse mubtadi o talib-e-ilm hazrat ke ilm kasrat se izafa hone ke imkanat hai ,,

masood bhai aur zidd bhai ka nazriya apni jaga bilkul durust hai ,, ab maikash sahab se bhi adban guzarish hai ke jald az jald apna tabsere yahan chaspa kare.N taake sabhi hazrat chai.N ki saan's aur mustafeed o mahezooz ho sake ...allah sub ko shad o aabad rakhe ...


khadim ul khaddam

qadeertoopchi

[maikasH]

Originally Posted by abdulqadeert

aadab ,,,

yahan sub ne gaagar me sagar bhar diya hai ,, yaqeenan ye thread layaq-e-sad sataish hai ,, taham intezaar ab bhi sahebe ghazal ka baaqi hai jiske baad humse mubtadi o talib-e-ilm hazrat ke ilm kasrat se izafa hone ke imkanat hai ,,

masood bhai aur zidd bhai ka nazriya apni jaga bilkul durust hai ,, ab maikash sahab se bhi adban guzarish hai ke jald az jald apna tabsere yahan chaspa kare.N taake sabhi hazrat chai.N ki saan's aur mustafeed o mahezooz ho sake ...allah sub ko shad o aabad rakhe ...


khadim ul khaddam

qadeertoopchi

aadaab Qadeer saheb


maiN faqat taalib-e-ilm huuN, puraani Ghazal hai aur jaisa ke ehbaab ko shubah hai har misra khaariz-az-beher hai ab chooNke maiN taKhtee ke istemaal se na'waaqif huuN isliye maine yeh Ghazal ustaad-e-muhtarim ke paas islaah ke liye bhej di hai, kal raat un se phone par guft'gu bhi hui, ab adab ka taqaaza hai ke maiN israar ki baja'ye zabt se kaam luuN

dostoN se iltijaah hai do-ek din ka waqt deiN, unka jawaab jaise hi aayega maiN yahaaN chaspaaN kar duuNga


bohat shukriya


rab raakha
maikash

[masoodhassas]

Originally Posted by abdulqadeert

aadab ,,,

yahan sub ne gaagar me sagar bhar diya hai ,, yaqeenan ye thread layaq-e-sad sataish hai ,, taham intezaar ab bhi sahebe ghazal ka baaqi hai jiske baad humse mubtadi o talib-e-ilm hazrat ke ilm kasrat se izafa hone ke imkanat hai ,,

masood bhai aur zidd bhai ka nazriya apni jaga bilkul durust hai ,, ab maikash sahab se bhi adban guzarish hai ke jald az jald apna tabsere yahan chaspa kare.N taake sabhi hazrat chai.N ki saan's aur mustafeed o mahezooz ho sake ...allah sub ko shad o aabad rakhe ...


khadim ul khaddam

qadeertoopchi

ahlan ahlan ahlan yaa shaikh
tum aa gaye ho to noor aa gayaa hai
bhai apnaa to kahnaa yahee hai ki seekhtey raho jahaan se bhi miley
rab raakhaa
allah haafiz

[masoodhassas]

Originally Posted by maikasH

Vikas saheb aadaab aur namaste tasleem farmaa'iye


bhai mujhe aapse koi gilaa nahiiN hai isliye muaafi maaNg kar aap sharmiNdaa kar rahe haiN

maiN to yeh chaahta tha ke aap gussey ko zaraa pare'y rakh kar baat kareiN to kuch kaam ki baat ho paaye

meri ek hi buri aadat hai ke jo bhi kehta huuN be'dhadak kehta huuN aur kabhi kabhi kuch aisa bhi keh jaata huuN jo shayad mujhe maNzir-e-aam par nahiiN kehna chahiye lekin yaqeen kijiye mera aisa iraada kabhi bhi nahiiN hota ke kisi ki dil dukhey

ab is beebaaki-e-mijaaz ke peeche bhi ek qissa hai chaliye appse kahe deta huuN, maiN jab is site par naya naya aaya tha to taqreeban har roz apna kuch likha hua post karta tha, kuch mahiinoN meiN bohat mash'hoor ho gaya, apni post par duusoN ki "waah-waah" ki aisi aadat lagii ke replies gin'ne lagaa aur bachpana kahiye ya kacchi umr ka josh ke gurrur aa gaya ke "miyaaN yahaaN sabse baDa shayar maiN hi huuN"

phir ek din ek saheb ne meri do ek posts par sirf itna kaha ke "khayaal acha hai :lekin: WAZAN KAHAAN HAI?"

mujhe bohat gussa aaya, maine taabaR-toR un posts par is qism ki baateiN likhiiN ke "aapko kaun hote haiN mujhe kuch kehne waale", "maine sab dekha hai", "maiN aapse ziyada jaan'ta huuN" vaGhera vaGhera aur phir maine yeh "ailaan" kiya ke "meri yahaaN izzat nahiiN hai maiN yeh site choR kar jaa raha huuN"

uska nateejah yeh nikla ke ehbaab "mannane" lage ke mat jaaiye, khud Gaurav saheb ne (jinki yeh website hai) ne bhi iltijaa ki ke mat jaaiye, chooNke mere us guruur ko jo khuraak chahuye thi voh mil gayi to maiN nahiiN gaya

phir uske baad unhiiN saheb ka mujhe ek pm mila aur us pm meiN unhone mujhe baDi murravvat se samjhaaya bawajuud iske ke woh mujhse umr meiN bees saal baDe the aur maiN "chaaroN TaangeiN" uThaa kar unke peeche paDa hua tha, inhiiN saheb ne mujhe kuch websites ke links diye aur mujhe kaha ke apni kaavisheiN islaah ki garaz se wahaaN post kijiye, un meiN se ek thi "bazm-e-sukhan" jo bohat pehle baNd ho chuki hai, to bhai maiN apni GhazleiN aur apna "guruur" le kar wahaaN pahuNch gaya, yaqeen jaaniye do din meiN mujhe pata chal gaya maiN kitne paani meiN huuN, sharmiNdagii bohat huii, go be-izzat kisi ne kiya to nahiiN lekin mujhe yuuN laga jaise kisi ne kapDe utaar ke chau'raahe ke beechoN-beech jabran khaDa kar diya ho

yeh meri khush'qismatii hai ke wahaaN mujhe kuch suljhe hue sho'ra ne panaah di, unhiiN dinoN meiN yahaaN isi site par mere ustaad-e-muhtarim (tab ajnabi the) ne mujhse raabta kiya, chooNke guruur TooT chuka tha to ab duusroN ki kaDvi baat sun'ne meiN bhi aasaani hone lagi, khair DaaNt to nahiiN paDi albatta baDe zabt aur muhabbat se wazan aur zabaan ki baraakiiyoN se mera ta'rruf karaaya gaya, maiN aaj taq in logoN ka aur un saheb ka shukurguzaar huuN aur gaahe-ba-gaahe apni un bewakuufiiyoN ko yaad karke khud pe khafa hota huuN, agar maiN aaj bhi "laTTh" le kar khaDa rehta ke jee maiN hi maiN huuN to bhai jis nigaah se maiN urdu sha'iiri ko aaj dekh paa raha huuN voh shayad mujhe kabhi naseeb na hoti, to bhai ab jo dil meiN aata hai bilaa-jhijhak keh deta huuN, agley ko buraa lagey to agley ka nuqsaan

urooz ka mujhe itna ilm nahiiN hai, maine kuch saal pehle aur uske baad do-ek baar idhar-udhar thoDi kohshish ki thi ke ye failaan, mafailaan, mafailatun, 1-2,1-2 ko saNjeedagi se paDhuuN aur samajhne ki kohshish karuuN lekin kuch haalaat aise the ke waqt nahiiN nikaal paaya ab ustaadoN ki badaulat mujhe kam-az-kam she'r ko beher meiN paDhne meiN koi diqqat pesh nahiiN aati ba'shart'e ke she'r beher meiN ho, haaN kaun se ash'aar kaun si beher meiN kahe gaye haiN iska mujhe ratti bhar bhi ilm nahiiN hai go pichhle hafte se qamar kas'ii hai ke is baar ba'qaayedaah ta'leem haasil ho

bhai internet pe bohat is adab'ii mehfileiN haiN jahaaN ek se ek badhkar sho'ra shirkat karte haiN aur naye likhne waaloN ki khoob madadd bhi karte haiN, aap chaheiN to maiN aapko links bhej deta huuN, agar moderators sahebaan ki ijaazat ho to maiN isi thread meiN hi post kar duuNga, meri baat kareiN to maiN yahaaN ke ilaawa duusri mehfiloN meiN bohat kam jaata huuN albatta pichhle do-teen saaloN meiN to maine kisi bhi mehfil meiN haaziri nahiiN di hai, yahaaN bhi shayad do saal baad lauTa huuN

jee maiN apni Ghazal islaah ke liye kisi bhi website par post nahiiN karta, maiN apni Ghazal email meiN ustaad saheb ko bhej deta huuN aur phir un se phone par tabadalaa-e-khayaal ho jaata hai, beher ke ilaawa zabaan aur lehje ko baratne ke ta'ur, alfaaz ka sahee jagah aur sahee tareeqe se istemaal, kis muhavire ko kahaaN bart'aa jaa sakta hai kahaaN nahiiN in sabhi pehluuoN par khul kar ek hi baar meiN baat ho jaati jo ke achcha hai aur waqt bhi bach jaata hai

aksar maiN Ghazal ki islaah ke baad usko kahiiN post nahiiN karta lekin yeh Ghazal "agar" sitaa'iish ke qaabil nikli to maiN zaroor post karuuNga


chaliye waqfey ke baad milte haiN

rab raakha
maikash

aadaab maikash bhai
go ki yahaan meraa aaney ka koi tuk nahi ban raha athaa
,,,,,,,,,,,,,,,,,,,,,,,,,,,,,, taaham main apne dil ko rok na paayaa ,,,,,, aor saahab ,,,,, dil ki aawaaz pe labbaik kahnaa hi baa zameer logon ka shevah hai to janaab chand jumley agar baar e geraaN khaatir na ho to arz karun ,,,,
kahnaa bas itnaa hi thaa ............. khodaa aap ke qalam ko nazr e bad se bachaaye ................ keyaa khosoorat lab o lehjaa paayaa hai ,,,, oh ,,, jis salees andaaz me aap ne maa fizza meer ki adaayegee ki hai woh laayeq e sad sataayish hai ,,,, belaa shubha aap eyk khoobsoorat nacr nigaar hain ... yaqeen hai aap se tabaadal e khiyaal fikr aNgez ho gaa
is mazmoon pe khuley dil se daad qabool farmaayen
doa ka muhtaaj
masood hassaas

[maikasH]

Originally Posted by masoodhassas

aadaab maikash bhai
go ki yahaan meraa aaney ka koi tuk nahi ban raha athaa
,,,,,,,,,,,,,,,,,,,,,,,,,,,,,, taaham main apne dil ko rok na paayaa ,,,,,, aor saahab ,,,,, dil ki aawaaz pe labbaik kahnaa hi baa zameer logon ka shevah hai to janaab chand jumley agar baar e geraaN khaatir na ho to arz karun ,,,,
kahnaa bas itnaa hi thaa ............. khodaa aap ke qalam ko nazr e bad se bachaaye ................ keyaa khosoorat lab o lehjaa paayaa hai ,,,, oh ,,, jis salees andaaz me aap ne maa fizza meer ki adaayegee ki hai woh laayeq e sad sataayish hai ,,,, belaa shubha aap eyk khoobsoorat nacr nigaar hain ... yaqeen hai aap se tabaadal e khiyaal fikr aNgez ho gaa
is mazmoon pe khuley dil se daad qabool farmaayen
doa ka muhtaaj
masood hassaas

taslee'maat masood bhai


aapki inaayat hai bhai jo mujh na'ehl ko itni izzat se nawaaz rahe haiN go aapke lehje meiN jo taQalluf nazar aaya voh zara sa chubh raha hai bara-e-mehr'baani paraaya na samjheiN


aapki daad aur duaayeiN sar-aaNkhoN par

khuda ne chaaha aur tabiyat ne saath diya to aage baat hoti rahegi



rab raakha
maikash

[masoodhassas]

Originally Posted by maikasH

taslee'maat masood bhai


aapki inaayat hai bhai jo mujh na'ehl ko itni izzat se nawaaz rahe haiN go aapke lehje meiN jo taQalluf nazar aaya voh zara sa chubh raha hai bara-e-mehr'baani paraaya na samjheiN


aapki daad aur duaayeiN sar-aaNkhoN par

khuda ne chaaha aur tabiyat ne saath diya to aage baat hoti rahegi



rab raakha
maikash

aadaab
maikash bhai ... takalluf ka dar aanaa eyk amr e fitree thaa aouwal ki ham donon me kabhi koi mokhaatebat na huyi is liye eyk dosrey ke taqreeban mezaaj naa aashnaa hain ,,,,,, doosreey baat ,,,,, main hun bhi to luknow ke atraaf kaa to aisaa ho jaanaa koi baeed az qeyaas baat nahi ...... waisy main apnet rab ka shukr adaa jarta ahun ki main har shaayir ko apnaa samajhtaa thaa hun is waastey aap bhi merey apney hain ,,, taaham abhi to guftagoo ka aaghaaz hai shaayad ham be takallufee ki tamaam hodood phalaaNg jaayen .... bahar haal main aap ko dobarah is qadar khoobsoorat nacr pe mobaarak baad detaa hun ... sacchi me aap is ke mustahiq hain
masood

[maikasH]

Originally Posted by masoodhassas

aadaab
maikash bhai ... takalluf ka dar aanaa eyk amr e fitree thaa aouwal ki ham donon me kabhi koi mokhaatebat na huyi is liye eyk dosrey ke taqreeban mezaaj naa aashnaa hain ,,,,,, doosreey baat ,,,,, main hun bhi to luknow ke atraaf kaa to aisaa ho jaanaa koi baeed az qeyaas baat nahi ...... waisy main apnet rab ka shukr adaa jarta ahun ki main har shaayir ko apnaa samajhtaa thaa hun is waastey aap bhi merey apney hain ,,, taaham abhi to guftagoo ka aaghaaz hai shaayad ham be takallufee ki tamaam hodood phalaaNg jaayen .... bahar haal main aap ko dobarah is qadar khoobsoorat nacr pe mobaarak baad detaa hun ... sacchi me aap is ke mustahiq hain
masood

Masood bhai aadaab,


adab ka taqaaza tha ke maiN aapke khat ka jawaab fauran se peshtar haazir karta go haalaat kuch aise the ke waqt na mila....tah-e-dil se mazrat'khwaa huuN

aapne jis apne-pan ka hawaala diya dil ko bohat achcha lagaa aur yaqeenan aap ek suljhi hui shaKhsiyat ke maaliq haiN is liye aapse muKhaatib hote hue bhi faKhr mehsuus ho raha hai

ummiid karta huuN ke ab taqalluf aaRhe nahiiN aayega


mehfil meiN ab se shikrat baqaayda ho iska iraada to kiya hai aage dekhiye ooNth kis karvaT baith'ta hai, ummiid hai aapse mulaqaat hoti rahegi


rab raakha
maikash

[masoodhassas]

Originally Posted by maikasH

Masood bhai aadaab,


adab ka taqaaza tha ke maiN aapke khat ka jawaab fauran se peshtar haazir karta go haalaat kuch aise the ke waqt na mila....tah-e-dil se mazrat'khwaa huuN

aapne jis apne-pan ka hawaala diya dil ko bohat achcha lagaa aur yaqeenan aap ek suljhi hui shaKhsiyat ke maaliq haiN is liye aapse muKhaatib hote hue bhi faKhr mehsuus ho raha hai

ummiid karta huuN ke ab taqalluf aaRhe nahiiN aayega


mehfil meiN ab se shikrat baqaayda ho iska iraada to kiya hai aage dekhiye ooNth kis karvaT baith'ta hai, ummiid hai aapse mulaqaat hoti rahegi


rab raakha
maikash

koi baat nahi bhia masroofiyat kisee ko bhi pesh aa saktee hai main to yahee kahun gaa aap aaye bahaar aayi