duva rahey salaam rahey -
13th June 2003, 07:01 PM
duvaa rahey salaam rahey
chahey yahi kalaam rahey
mumkin nahi nizaam rahey
sadaa vahi aaiyaam rahey
aksar na sahi par magar
kabhi kabaar payaam rahey
zad-e-justajoo ab kahaan?
voh subh aur shaam rahey
ho khushnaseebi jo kabhi
unko mujhse kaam rahey
hamesha dil maen tera
maqeem-e-dil maqaam rahey
hai duva ke isi tarah
raunaqe-dar-o-baam rahey
unki aamad ka jo suna
ham dil jigar thaam rahey
waqt-e-ajal aur saamne
tera sarv-e-khiraam rahey
yahi ehsaan bahut agar
yaad "fer" ka naam rahey
|