Quote:
Originally Posted by Mayank
Kaif Bhopali saahab ki likhi huii ek mashhoor Ghazal pesh kar rahaa hoo.n. mujhe behad pasand hai yeh Ghazal, yeh Ghazal baaqi Ghzalo.n se waqaii haT kar hai,kyu.n ki is Ghazal ka andaz-e-bayaa.n kaafi alag hai.. aap ko Ghazal yaqiinan pasand aayegii yeh umeed hai..
************************************
haaye logoN kii karam-farmaaiyaaN
tohmateN, badnaamiyaaN, rusvaaiyaaN
(karam-farmaaiyaaN : favors)
zindagii shaayed isii kaa naam hai
duuriyaaN, majbuuriyaaN, tanhaaiyaaN
kyaa zamaane meN yuuN hii kaTtii hai raat
karvateN, betaabiyaaN, angRaaiyaaN
kyaa yahii hotii hai shaam-e-intizaar
aahaTeN, ghabraahaTeN, parchhaiyaaN
aik paikar meN simaT kar rah gayiiN
KhuubiyaaN, zebaaiyaaN, raanaaiyaaN
(paikar : appearance; zebaaiyaaN : gracefulness; raanaaiyaaN : beauty)
zaKhm dil ke phir hare karne lagiiN
badliyaaN, barkhaa ruteN, purvaaiyaaN
“Kaif” paida kar samandar kii tarah
vus’ateN, KhaamoshiyaaN, gahraaiyaaN
(vus’ateN : expanse)
Kaif Bhopali
|
Waaah.... kyaa khoob bayaani hai janaab bhopali ki... Makhtaa ghazab ka hai.... dil se daad kubool karna is nagine ko chun laane ke liye....