Poet -Ravi Rosho

[Ashwani Tyagi]

hazaaro'n phoolo'n kii khushboo se jaise gulsitaa'n mahke
merii chaahat hai kii vaise hii ye kaum-e-makaa'n mahke
kaum-e-makaa'n=the universe
nishaaa'n yu'n to bahut the vakt ke siine pe magar ye kyaa
muhabbat kii ibaarat jin pe thii...vo hii nishaa'n mahke
gariibo'n ke liye darwaaje khole to huaa kuchh yu'n
dar-o-diiwaar mahke raastaa mahke makaa'n mahke
bhalaa roke'ngii kaise sarhade'n aur aasmaa'n isko
ye khushboo hai muhabbat kii...yahaa'n mahke vahaa'n mahke
hazaaro'n phoolo'n kii khushboo se jaise gulsitaa'n mahke
merii chaahat hai kii vaise hii ye hindostaa'n mahke
pataa hai mujhko 'Rosho' kii gaye usko huii muddat
magar jab bhii bhulaa'uu ...chaa'nd jaisii shokhiyaa'n mahke


Ravi Rosho

[zainy]

Wah...one more gem....

Thanks for sharing. ..

[Hassan]

wahhh! waahh! Ashwani jee,

Aik ke baad aik behtareen sharing.....
aap ke in nazraanoN ka teh-e-dil se khair-muqaddam karta hooN...

Aise hi humeN mehzooz karte rahiye,,

Regards,