Jo is shor se 'Meer' rotaa rahegaa -
19th September 2011, 03:02 PM
Jo is shor se 'Meer' rotaa rahegaa
to ham-saaya kaahe ko sotaa rahegaa
main vo ronewala jahaan se chalaa hun
jise abr har saal rotaa rahegaa
mujhe kaam rone se hardam hai naaseh
tu kab tak mere munh ko dhota rahegaa
base giriyaa aankhen teri kyaa nahin hain
jahaan ko kahaan tak dubotaa rahegaa
mere dil ne vo naalaa paidaa kiyaa hai
jaras ke bhi jo hosh khotaa rahegaa
tu yun gaaliyaan gair ko shauq se de
hame kuchh kahegaa to hotaa rahegaa
bas ae 'Meer' mizhgaan se ponchh aansuon ko
tu kab tak ye moti pirotaa rahegaa
[mizhgaan=eyelashes]
|