Kashti-e-kaagaz bahr mein tair rahi hai
Jahan halki saba ho uss disha mein rukh mod rahi hai
Manzil toh saahil-e-masarrat hai uski
Jaane kyun apna baadbaan kholne se jhijak rahi hai
Ek chotii si badal karna chahte hain hum apne nazm mein ...
Kashti-e-man bahr mein tair rahi hai
Jahan halki saba ho uss disha mein rukh mod rahi hai
Manzil toh saahil-e-masarrat hai uski
Fir jaane kyun apna baadbaan kholne se jhijak rahi hai
Mere khayal se ab yeh nazm mere dil ki baat keh rahi hai.
Khuda ne di beniyaazi raah dhoondne ki
Ik raah jo le chale hume saahil-e-masarrat
Rastein-e-khatre hain kai, asl-o-salaamat bas ek
Sabr hai zaroori ibtidaa se pehle
Taaki siyaahat ho mahfuuz
Aur kashtii garq-e-bahr-e-fanaa na ho jaaye