gajar kaa waqt hai, baaNg-e-daraa kuChh aur kehtee hai!

[B.G.M.]

dosto!

aaj maiN aap ko ik Khuubsuurat Ghazal sunaataa huuN
jo mire marGhuub shaa'ir Janaab Sarwar Raz "Sarwar" saahab ki hai
aur miri nazar meN ik :classic: se kam nahiiN!

---------------------------------


GHAZAL:

kisee ki be-niyaazaanah adaa kuChh aur kehtee hai

hamaari be-kasee, naam-e-Khudaa!, kuChh aur kehtee hai!

zamaanah mujh ko samjhaataa hai dastuur-e-Khiradmandii

magar maiN kyaa karuuN? meri anaa kuChh aur kehtee hai!

tumhaaraa wa'dah-e-fardaa bajaa, par waaqia' yeh hai

nazar kuChh aur kehtee hai! adaa kuChh aur kehtee hai!

hawaa-e-shauq ki sarmastiyaaN? taubah! mua'aZ Allah!

kisee ko kyaa pataa raah-e-fanaa kuChh aur kehtee hai!

yeh sunte thay kih qaa'im eik dunyaa hai umeedoN par

magar yeh Hasrat-e-be-dast-o-paa kuChh aur kehtee hai!

balaa se, thak gayaa jo kaarvaan-e-zindagee to kyaa!

gajar kaa waqt hai, baaNg-e-daraa kuChh aur kehtee hai!

tumhaare dam se shaam-e-aarzuu ki aur baateN theeN

shab-e-daijuur-e-Hasrat-aashnaa kuChh aur kehtee hai!

kahaaN tak e'tibaar aaye, bhalaa, aise dilaasoN par?

tumhaare shehr ki aab-o-hawaa kuChh aur kehtee hai!

qalam hai sar-buriidah, roshnaayee Khushk, kaaGhaZ nam

magar :Sarwar: ki yeh fikr-e-rasaa kuChh aur kehtee hai!


~Sarwar A. Raz :Sarwar:

=================================================

[sameer'shaad']

waaahhh Masha Allah................. its a pure gem, an absolute classic.........


thanks for sharing....

Shaad...