Paas Aao Jara Faasale Kam Kare.n -
12th July 2004, 01:43 PM
paas aao jara faasale kam kare.n
faasale kam kare.n,faasale kam kare.n
yeh na samjho ki bas shool hai zindagi
pyar se dekhiye phool hai zindagi
zindagi ki paheli ko hal hum kare.n....faasale kam kare.n
is kinare hoo.n mai.n us kinare ho tum
gham ka mara hoo.n mai.n gham ke mare ho tum
ek dooje ke gham ko chalo kam kare.n ....faasale kam kare.n
aankh se aansoo_o.n ko churaye.n chalo
aaj rooThe dilo.n ko manaye.n chalo
aaj naf_rat dilo.n se chalo kam kare.n ....faasale kam kare.n
kuchh tumhari kaho kuchh hamari suno
hum bhi kanTe.n chune tum bhi kanTe.n chuno
zindagi ke safar ko saral hum kare.n ....faasale kam kare.n
|