Jo chahte ho so kehte ho chup rehne ki lazzat kya jaano
yeh raaz-e-mohabbat hai pyaare tum raaz-e-mohabbat kya jaano
Alfaaz kahan se laaoon main chhale ki tapak samajhane ko
izahaar-e-mohabbat karate ho ehsas-e-muhabbat kya jaano
Kya husn ki bhikh bhi hoti hai jab chuTki chuTki judti hai
hum ahal-e-garaz jane is ko tum sahib-e-daulat kya jaano
Hai farq badaa ai jaan-e-"Raza" dil dene mein dil lene mein
ulfat ka ta'alluq jante ho rishte ki nazaakat kya jaano
Raza Qureshi