Quote:
Originally Posted by KunaaL
Maikash bhaii
Mera kuch bhi kehna wazib nahi hoga.. mujhe meri hasti kamzor nazar aati hai aise kalaam padh ke..
Maasha allah maiN har sher ko do do baar padh ke baitha huN.. aur yahi sochta huN ki aisi soch kab aayegi humaare paas..
Ye sab aasaan nahi.. koun kehta hai khayaal mar jaate hai ye aur wo.. aapki ghazal sabak hai ek har talib-e-sukhan ke liye..
Meri dheroN mubarakbaad aapko..
Kunaal
|
baaqi dostoN se ba-sad-mazrat Kunaal bhai ke khat ka jawaab pehle de raha hooN
Kunaal bhai, aadaab-o-namaste
facebook par aapke bayaan paDhe, unka jawaab to maiN haazir na kar saka lekin ba-das-tuur aapki be-panaah muhabbat ka shukriya adaa karne ki ek adna si kohshish maine zaroor ki thi, ab yeh pataa nahiiN ke meri voh kohshish aap taq pahuNchii ya nahiiN kyoNke do din pehle maine facebook ka account delete kar diya tha
jaise ke aapne bhi tasleem kiya, sach baat hai ke khat-o-khitabat ke hawaale se aap se koi musalsal raabta nahiiN raha lekin aap hi ki tarah maine bhi apne aap ko aapke bohat qareeb paaya hai, dil se dil ko raah hoti hai mere bhai baaqi duniyadaari apni jagah
aapse guzaarish hai ke apne phone number pm meiN bhej dijiye, gaahe-ba-gaahe aapse baat hoti rahegi to mujhe badi khushi hogi
rahi is Ghazal par aapki faraaKh'dilee ki baat to bhai Ghazal itni achchi nahiiN thi jitni ta'reef, mohabbat aur ehteraam se aapne ise nawaaza hai, maiN zer-e-baar hooN aapka, iNtehaayi shukurguzaar bhi
raabta banaaye rakhiye, mere liye bade hauNsley ki baat hogi
bhagwaan aapko khush rakkhe
rab raakha
maikash