Dost ban kar bhi nahi-- Ahmad faraz -
13th October 2008, 05:13 PM
As u know friends famous urdu poet Ahmad faraz is no more. he died on 25th august 2008. In his memory i want to share his 1 beautiful ghazal with u.
Dost ban kar bhi nahin saath nibhaane waalaa
Wohi andaaz hai zaalim ka zamaane waalaa
Ab isse log samajhtay hen giraftaar meraa
Sakht nadim hai mujhe daam men lane waalaa
Kya kahen kitnay maraasim thay hamaare is say
Wo jo ik shakhs hai munh pher k jaane waalaa
Tere hotay huay aa jaati thi saari duniyaa
Aaj tanhaa hun to koi nahin aane waalaa
Muntazir kis ka hun Tuti hui dehleez pe main
Kaun aayegaa yahaaN kaun hai aane waalaa
Main nay dekhaa hai bahaaron men chaman ko jaltay
Hai koi Khwaab ki taabiir bataane waalaa
Kyaa Khabar thi jo meri jaan men ghulaa hai itnaa
Hai wohi mujh ko sar-e-daar bhi laane waalaa
Tum taqalluf ko bhi ikhalaas samajhte ho 'Faraz'
Dost hota nahin har haath milaane waalaa…
regards
manu
|