duaa ka TooTaa huwa Harf sard [Parveen Shaakir]

[Mujeeb]

du'aa kaa TooTaa hawa Harf sard aah meN hai
teri judaai kaa manZ^ar abhi nigaah meN hai

terey badalney ke baa wasf tujh ko chaha hai
yeh a'etraaf bhee shaamil marey gunah meN hai

a'zaab dayga tuu phir mujh ko khuwaab bhee dayga
meN mutma'in hooN maraa dil teri panaah meN hai

bikhar chukaa hai magar muskraa ke miltaa hai
woh rakh rakhaao abhi merey kajkalaah meN hai

jisey bahar ke mehmaan Khaalee chooR gaey
woh ek makaan abhi tak makeeN ki chaah meN hai

yehii who din they jab ek doosrey ko paayaa thaa
hamari saalgirah theek agle maah meN hai

meN bach bhee jaaoN tuu tanhaaii maar Daaley gee
marey qabeele kaa her fard Qatl gaah meN hai

Parveen Shaakir