tu jo khushiyoN ka pata poochh raha -
27th March 2019, 09:12 PM
tu jo khushiyoN ka pata poochh raha
to kisi aur se kya poochh raha
yooN sitamgar se saza poochh raha
chaaragar* se ho dawa poochh raha
kya koyee khaar* to tishna* n raha
dasht* se aabla-pa* pooch raha
jin ko hona tha pashemaaN* tujh se
un se tu apni khata poochh raha
hai n aaghaaz* n anjaam pe dakhl
beech ke kharch-o-jama poochh raha
kya tawaqqo-e-wafa* hai ab tak
un se tu hadd-e-jafa* poochh raha
sargaraani* hai ke naadaani hai
aa ke maqtal* meiN sila* poochh raha
taaj-e-sultaan ke kashkol-e-gada*
“zarraa” haathoN meiN hai kya poochh raha
- zarraa
*
chaaragar = doctor
khaar = thorn
tishna = thirsty
dasht = desert
aabla-pa = one with blisters on feet
pashemaaN = ashamed/repentant
aaghaaz .= origin
sargaraani= arrogance
tawaqqo-e-wafa = expectation of loyalty
hadd-e-jafa = limit of cruelty
maqtal = place of slaughter
sila = reward
kashkol-e-gada = beggar’s bowl
maiN rehnuma ke kahe raastoN se door raha
mera maqaam sada manziloN se door raha
|