zindagi bhar........

[Adil]

Adaab doston,
apki khidmat main ek tazatareen ghazal lekar hazir hoon...mashawaraat se zaroor nawaziyega....mehsoos kijiye..matla arz hai...

"Zindagi bhar zindagi ki saza milti rahi,
Lamha lamha wafaon ki jaza milti rahi.

jazaa-- reward

Cherh kar jata raha har baar zakhmon ko mere,
Gham ke sholon ko yun hi hawa milti rahi.

Meri nazron ne hai bakhsha husn ko farogh,
Uske har aaza ko ik adaa milti rahi.

aaza--- part of body

Faasla badta gaya jitna gaya uske qareeb,
Khushk patton ko jaise hawaa milti rahi.

khushk--- dry

Paththron ki gird takrata raha 'Adil' ka wajood,
Sukhan goi ka sadaa nai sadaa milti rahi.

sukhangoi--art of poetry


Mukhlis
Adil