aashiq huu.n mai.n nafrat hai - 'Aatish haider Ali

[aadeil]

aashiq huu.n mai.n nafrat hai mire ra.ng ko ruu se
paivand nahii.n chaak garebaa.n ko rafuu se

daaman mire qaatil kaa na ra.ngii.n ho lahuu se
har-chand ki nazdiik ho rag-ha-e-guluu se

gulzaar-e-jahaa.n par na pa.Dii aa.nkh hamaarii
kotaah thii umr apnii habaab-e-lab-e-juu se

kartaa hai vo saffaak KHat-e-shauq ke purze
meh.ndii malii jaatii hai kabuutar ke lahuu se

aashiq huu.n magar karte hai.n maashuuq Khushaamad
naazuk hai tabii.at mirii biimaar kii KHuu se

-- 'Aatish' Haider Ali