kuchh is adaa se aaj vo pahloo-nashiiN rahe...Jigar Moradabadi -
8th May 2008, 07:44 PM
Jigar Moradabadi kii ek umda Ghazal mulaHizah farmaaiye:
kuchh is adaa se aaj wo paihlu-nasheeN rahe
jab tak hamaare pass rahe, ham-naheeN rahe
Yaa Rab! kisi ke raaz-e-moHabbat kii Khair ho
dast-e-junuN rahe na rahe, aasteeN rahe!
dard-e-Gham-e-firaaq ke yeh sakht marHale
Hairaan hoon main ke phir bhii tum itne HaseeN rahe
Allah re chashm-e-yaar ki mo'ajiz bayaaniyaaN
her ek ko ye gumaaN hai muKhatib hamiiN rahe
jaa aur koii zabt kii duniyaa talaash kar
ai 'ishq! ham to ab tere qaabil naheeN rahe
Is 'ishq kii talaafii-e-mafaa'at dekhnaa
rone ki HasrateN haiN, jab aaNsoo nahioN rahe
tu aur aaraa'ish-e-Kham-e-kaakul
maiN aur andesha_haa-e-dur o daraaz
|