Gham ko gham ki tarah guzaro tum.....( Ghayel ) -
2nd July 2013, 03:53 PM
Meri nayee ghazal.
===========
Gham ko gham ki tarah guzaro tum
Issey behtar jahaaN sanwaro tum
Har dua us talak pohachti hai
Shart yeh hai usey pukaro tum
Kal yahi sar tumhara kaatega
Isko sar se abhi utaaro tum
Aao zinda karen mohabbat ko
Main tumhe aur mujhe niharo tum
Qais ab ho chuka bohat ghayel
Sangh laila ko ab ke maaro tum
Sajid Ghayel
Jhoot kehdu yeh meri fitrat me nahi shamil
Par tujhe bevafa bhi kehna achcha nahi lagta...
Mob.: +971 501297654
|