vo thakaa huaa merii baaho.n me.n zaraa so gayaa thaa to kyaa hua

[ManishK]

vo thakaa huaa merii baaho.n me.n zaraa so gayaa thaa to kyaa hua
aabhii mai.n ne dekhaa hai chaa.Nd bhii kisii shaaKh-e-gul pe jhukaa huaa

jise le ga_ii hai abhii havaa vo varaq thaa dil kii kitaab kaa
kahii.n aa.Nsuo.n se miTaa huaa kahii.n aa.Nsuo.n se likhaa huaa

[varaq = page]

ka_ii miil ret ko kaaT kar ko_ii mauj phuul khilaa ga_ii
ko_ii pe.D pyaas se mar rahaa hai nadii ke paas kha.Daa huaa
[mauj = wave]

mujhe haadaso.n se sajaa sajaa ke bahut hasiin banaa diyaa
meraa dil bhii jaise dulhan kaa haath ho mehandiyo.n se rachaa huaa

vahii Khat ke jis pe jagah jagah do mahakate ho.nTho.n ke chaa.Nd the
kisii bhuule-bisare se taaq par tah-e-gard hogaa dabaa huaa
[taaq = shelf; tah-e-gard = under the dust]

vahiii shahar hai vahii raaste vahii ghar hai aur vahii laan bhiimagar us dariiche se puuchhanaa vo daraKht anaar kaa kyaa huaa
[dariichaa = window; daraKht = tree]

mere saath juganuu hai ham_safar magar is sharar kii bisaat kyaa
ye charaaG ko_ii charaaG hai na jalaa huaa na bujhaa huaa

Bashir Badra

[sharar = spark/ember; bisaat = capacity/worthiness

[Zeba]

mere paas bohot kam alfaaz rehjaate hai aap ki tareef ke liye.mai be zubaan hogai yeh padh ke.
mai aap ki who sari gazlen padna chati hoo.mujhe khushi hai ke aap jaise shayer bhi is form mei likhte hai.

intezaar rehega agli gazal ka.

zeba

[imam dean]

hi
bohat khoob
ap ki thore se guidline chaheya

is poem kay jo writer hain un ka name

bashir badar ha

ya

bashir badra


plz
is par thora sa guid kijeeya ga

[ManishK]

Originally posted by Zeba
mere paas bohot kam alfaaz rehjaate hai aap ki tareef ke liye.mai be zubaan hogai yeh padh ke.
mai aap ki who sari gazlen padna chati hoo.mujhe khushi hai ke aap jaise shayer bhi is form mei likhte hai.

intezaar rehega agli gazal ka.

zeba

Zeba ji
sukriya ki ye ghazal aap ko pasand aayi.

par ye meri nahin Bashir Badra sahab ki likhi huyi ghazal hai. Bashir saheb bhopal se taaluk rekhte hain aur hindustan ke mashhoor shayar hain.

unki ye nihayat hi khoobsorat ghazal hai ye

vahiii shahar hai vahii raaste vahii ghar hai aur vahii laan bhi
magar us dariiche se puuchhanaa vo daraKht anaar kaa kyaa huaa

regards
Manish

[ManishK]

Originally posted by imam dean
hi
bohat khoob
ap ki thore se guidline chaheya

is poem kay jo writer hain un ka name

bashir badar ha

ya

bashir badra


plz
is par thora sa guid kijeeya ga

imam dean sahab
Sahi naam Bashir badra hi hai

regards
manish

[adena]

hi
its adena
bohate ache poem hae yae
ape kei pasnde kie dade deanae hoe gie
lakine i think iman nae theeke kahae
ya bashir badar hiane
wasaye ape ise koe double check kare leejeyae gae
or hum ko zarore bateyae gae
kyon kaye maine bashir badra koe nahee jante
plz
i hope ap zaror bataine gaye ine sahir kaye barae maine
adena

[dheer]

Manish saHeb!!
Bashir saHeb ki ghazal dekhii to sochaa aap sabhii ko is ghazal se ju.Daa kissaa sunaataa huN!
hazrat ne jab shuruaat me ye ghazal kahii to iskaa matlaa kuchh yuN thaa

kahii phool dhoop ki pat'tiyoN me.n hare "ribon" se bandhaa huaa!
ye ghazal kaa lahzaa nayaa nayaa, nah kahaa huaa nah sunaa huaa!

matle me.n "Ribon" jo ki aik angrezii bhaashaa kaa alfaaz hai, istemaal huaa thaa, jiskii wajah se hazrat ko urdu-daano ke gusse ka samnaa karnaa pa.Daa. baad me.n unhone is matle ko badlaa aur ye kahaa
vo thakaa huaa merii baaho.n me.n zaraa so gayaa thaa to kyaa hua
aabhii mai.n ne dekhaa hai chaa.Nd bhii kisii shaaKh-e-gul pe jhukaa huaa

isii ghazal ke aik aur sher ko dekhiye!
vahiii shahar hai vahii raaste vahii ghar hai aur vahii lawn bhii
magar us dariiche se puuchhanaa vo daraKht anaar kaa kyaa huaa

yahaa lawn kaa istemaal bhii logoN ko khaTak gayaa par bashir saHeb ko yeh sher behad pasand thaa, unhone ise ghazal se nahii haTaayaa!

================================================== =====

mujhe zaatii taur pe yeh ghazal behad pasand hai! share karne ke liye shukriyaa!

ijaazat