phir kisi ki yaad ne ..........

[ashiq awara,]

@@@@@@@@@@@@@@@@@@@@@@@@@@@@@@@@@@@

phir kisi ki yaad ne shab bhar hai jagaaya mujh ko
kya saza di hai mohabbat ne khudaaya mujh ko

din ko aaraam hai na raat ko hai chain kabhi
jaane kis khaak se kudrat ne hai banaaya mujh ko

dukh to yeh hai ke zamaane mein mile gair sabhi
jo mila hai, woh mila hai ban kar paraaya mujh ko

jab koi bhi na raha kaandha mere rone ko
ghar ki deewaaron ne seene se lagaaya mujh ko

yun to umeed-e-wafa tum se nahi hai koi
phir chiraagon ki tarah kisne jalaaya mujh ko

be-wafa zindagi ne jab chod diya hai tanha
maut ne pyaar se pehlu mein hai sulaaya mujh ko

woh diya hoon jo mohabbat ne jalaaya tha kabhi,
gam ki aandhi ne sar-e-shaam bujhaaya mujh ko.

@@@@@@@@@@@@@@@@@@@@@@@@@@@@@@@@@@@

[vikram8373]

Wah Guru !
Kiya Zazbaat Hai.

jab koi bhi na raha kaandha mere rone ko
ghar ki deewaaron ne seene se lagaaya mujh ko

maza aa gaya
next kab post kar rahe ho ?
wating........