Quote:
Originally Posted by B.G.M.
aik ChhoTa sa laRka tha maiN jin dinoN
aik mele meN pahunchaa hamaktaa hua
ji machalta tha aik aik shai pe magar
Jeb Khaali thi kuChh mol le nah sakaa
lauT aaya liye HasrateiN sainkRoN
aik ChhoTa sa laRka tha maiN jin dinoN
Khair, mehroomiyoN ke woh din to gaye
aaj melaa lagaa hai usii shaan se
aaj chaahuuN to ik ik dukaaN mol luuN
aaj chaahuuN to saaraa jahaaN mol luuN
naa-rasaa’ii ka ab jee meN dhaRkaa kahaaN
per woh ChoTaa sa alhaR sa laRka kahaaN!
~Ibn-e-Insha
==============================
|
behad khobsurat ehsaason se saja huaa kalaam hai Ibne Insha kaa.....
tareef ke liye alfaaz nahi ... shukriyaa ise share karne keliye
Shaad....