ye kasak hee mohobbat ka anjaam hai ! -
4th December 2005, 12:06 AM
dear friends
kcuhh likha tha jise aap sabhi kee is mahfil main pesh kar raha hun is ummid se ke aapko ye rachna pasand aayegi
iska hona hee mohabat kee pahchan hai !
dil main kuchh to hai par fir bhi anjaan hai !
wo agar ho to abaad hai veeraana bhi ..
wo nahi hain to mahfil bhi veeraan hai !
main bhi hun ek sulagte hue majhi kee upaj...
mere andar dabe kain tufaan hai !
ye jo badan se nikalti hai meri jaan nahi ...
muddaton se machalta armaan hai !
jisne kismat mai meri badnaseebi likhi ...
kaise kah dun ke wo mera bhagwaan hai !
is kadar wo mujhse juda ho gaya ..
ke mohobbat ka dil bhi pareshaan hai !
dil main ab tak basi hai chubhan yaadon kee...
ye kasak hee mohobbat ka anjaam hai !
duniya-daari kee baten samjhta nahi..
dil "Anish" ka bhi kitna naadan hai !
anish
tum mujhe bhool bhi jao to ye haq hai tumko !
meri baat or hai maine to mohobbat kee hai !!
:) anish.paliwal@gmail.com:)
|