Rest part : ham lagbhag 2 baje 'Tijara' pahuch gaye.. Ham khush they k hamne kisi ki madad ki.. Fir Hamne room liya aur so gaye...
Agle din jo b kaam hamko karne they, karke ham lagbhag din me 2 baje waha se rawana ho gaye, mausam bahut achha tha.. Thandi-2 hawa chal rahi thi, aasmaan ki rangat dekh k aisa lagta tha maano bhagwaan apni sundar bhaawnaaye aasmaan k canvas pe utaar raha ho... Mannmohak safar tha.. Bass kami thi to ek ... Wo yeh ki mere peeche mera dost tha
khair ham dheere-2 safar ka aanand lete hue chale ja rahe they, ek tiraahe se ek ladka bike pe hamare saath -2 chalne laga.. Lag raha tha k wo hamse race lagana chah raha tha.. Uske peeche ek bala ki khoobsuurat ladki baithi hui thi... Mere mann me b aaya k haarna BULAND ne nahi seekha... To maine bhi ishara kar diya race ka...
Ham dono me thann gayi... Kabhi wo aage to kabhi mai...
Khair mujhe b achha experience tha to mai zyadatar us se aage he raha... Fir maine dekha k wo ladki us ladke ko kuch kehne lagi... Ladke ka maano temper pura high tha maano us ladki ne usko namard bol diya ho...
Maine mauke ki nazaakat ko samajhkar jaanboojhkar us se haar gaya...
"Coz kisi ki zindagii aur do pyaar karne walo ki khushi , ek choti c jeet se badhkar nahi hai..."
ladka aur ladki dono mujhe chidaate hue aankho se aujhal gaye... Aur mera dost . . . . .
Khair chhoro...
Fir achanak halki-2 baarish shuru ho gayi... Laga jaise k meri is harkat se uparwala khush hokar inaam de raha ho... Mausam itna suhana tha k yaha shabdo me bayaan kar pana asambhav hai...
Ham lagbhag 4 baje gurgaao pahuche , waha k shopin malls me window shopin ki
fir lagbhag 7 baje waha se chal diye ... Ham chale ja rahe they ek aeroplane hamare theek upar se guzra.. Chuunki ham dono ne aaj tak koi hawai safar nahi kiya tha to mann me airport jane ki tamanna hui... Hamne apni bike airport ki taraf mod di,. Airport pahuche.. Chuunki airport zindagii me pehli baar gaye they to hame zyada kuch nahi pata tha, bas movies me dekha tha ...
Hamne waha k ek guard se poocha k andar kaha se jaaye? Wo bola k kaha jana hai ? Hamne kaha k jana to ghar hai
par airport dekhne ka mann hai.. Kya koi jugaad hai ? Wo b hamare U.P. Ka he nikla aur usne bataya k .... Shayad 80 rs. Ka ticket hai.. Aur ticket milne ka pata b bataya.. Hamne uska shukriya adaa kiya aur chal diye... Chuunki mai aur mera dost middle class se belong karte hain aur 80 rs. Mere dost k liye theek thaak rakam thi airport dekhne k liye, to wo mana karne laga... Maine samjhaya k aaj aaye hain yaha.. Pata nahi kal aana ho ya na ho... Mera kuch aur samjhane se wo maan gaya...
To be continued...