mera kuchh saman.... -
5th July 2002, 12:01 AM
mera kuchh saman tumhare paas pada hai...
mera kuchh saaman tumhare paas pada hai
mera kuchh saaman tumhare paas pada hai...
o' saawan ke kuchh bheege-bheege din rakhe hain...
o' aur mere ek khat mein lipti raat padi hai...
woh raat bujha do, mera woh saman lauta do..
woh raat bujha do, mera woh saman lauta do..
patjhad hai kuchh, hai na...
o' patjhad mein kuchh patton ke..
girne ki aahat...
o' kaanon mein ek baar pehan ke lautayi thi...
patjhad ki woh shaakh abhi tak kaanp rahi hai..
woh shaakh gira do, mera woh saman lauta do..
woh shaakh gira do, mera woh saman lauta do..
ek akeli chhatri mein jab aadhe-aadhe bheeg rahe the...
aadhe sukhe - aadhe geele...
sukha to main le aayi thi...
gila man shayad bistar ke paas pada ho...
woh bhijwa do, mera woh saman lauta do...
woh bhijwa do, mera woh saman lauta do...
ek to solah jagti raaten, ek tumhare kaandhe ka til...
geeli mehndi ki khushboo...
jhooth-mooth ke shikwe kuchh...
jhooth-mooth ke vaade bhi sab yaad kara doon...
sab bhijwa do, mera woh saman lauta do...
ek ijazat de do bas, jab isko dafnaaoongi...
main bhi wahin so jaaoongi...
main bhi wahin so jaaoongi.
|