Quote:
Originally Posted by sameer'shaad'
ye kaisi ghaRee aa rahii hai imtehaan kii
baazi lagii hai aaj merii khud kii jaan kii.
khat me likhaa tha baap ne ghar lauT aa beTaa
choone lagii hai chhat mere kachche makaan kii.
jisne bhii dii gawaahiyaaN mere khilaaf meN,
keemat adaa huii hai sabhii kii zabaan kii.
beTii ko na maaro arey beTii ko na maaro,
rakhkhii hai laaj is ne mere khaandaan kii.
samjhegaa yahaaN jo merii GazloN ki haqeeqat,
main choom loonga Khaak paa-e-kadrdaan kii.
jab mil ke chaleN chaar kadam hindu musalmaaN
baDhtii hai umr tab mere hindostaan kii.
kyaa shaad sunaaun main tumheN us ki daastaaN,
main bhool gayaa shaql dil-e-beimaan kii..
Shaad...
|
Shaad sahab aapko mera aadaab
Mujhe badi shiddat se intezaar rehta hai aapke kalaam ka
Kyu ke aapke kalaam mai bohat gehraayi hoti hai
Mujhe bohat kuch seekhne ko milta hai aapke kalaam se
Ye ghazal bhi utna hi dilkash hai jaise ke aapke guzishta ghazle rahi hai
Iss khaaksaar ke daad ko qubool farmaiye
Dua ki darkhuwast