Quote:
Originally Posted by B.G.M.
Dosto! ik deegar meHfil meN mire internet ke dost Janaab Balvinder saahb ne ik dilchasp Ghazal sunaayi hai jo maiN aap se "share" kar rahaa huuN.
Ummeed hai aap ko bhi itni hi pasand aayegi.
(is ke aakhari teen ash'aar mujhe Khuub-tar lagay haiN)
-----------------------------------------------------
Ghazal
log jab apni sunaate hoNge
ham tujhe yaad to aate hoNge !
jin ko jaana hai, chale jaayeNge
jin ko aana hai woh aate hoNge
tuu hi har suu nahiiN saaya saaya
kahiiN ham bhii nazar aate hoNge!
aa rahii hai koii dastak paiham +
mar'hale ham ko bulaate hoNge
raaste Khatm kahaaN hote haiN +
ghar se aage kahiiN jaate hoNge
un se mil kar hai yeh veHshat "Nasiir" +
kaise hoNge jo nibhaate hoNge ?
~Nasiir Turabi
=======================
|
Umdaa kalaam share kiya hai janaab aapne, mazaa aa gaya har baar padh kar dil ne kaha muqarrar muqarrar...
yunhi aate rahiYeGaa bazm mein..