hangaamaa hai kyuu.N barpaa - Akbar Allahabadi

[kaatil]

hangaamaa hai kyuu.N barpaa Akbar Allahabadi

hangaamaa hai kyuu.N barpaa
tho.Dii sii jo pii lii hai
Daakaa to nahii.n Daalaa
chorii to nahii.n kii hai [ barpaa = Start]

naa-tajurbaakaarii se vaa_iz kii ye baate.n hai.n
is rang ko kyaa jaane puuchho to kabhii pii hai
[naa-tajurbakaarii = inexperience, vaa_iz = reliegious leader]

us mai se nahii.n matalab dil jis se hai begaanaa
maqasuud hai us mai se dil hii me.n jo khi.nchatii hai
[mai = sharaab, begaanaa = Alien, maqasuud = interest]

har zarraa chamakataa hai anvaar-e-ilaahii se
har saa.Ns ye kahatii hai ham hai.n to Khudaa bhii hai
[zarraa = particle anvaar-e-ilaahii = divine light]

this is my fav sher, describes the state after drinking

suuraj me.n lage dhabbaa fitarat ke karishme hai.n
but ham ko kahe kaafir allaah kii marzii hai
[fitarat = Nature, but = Idol] [in Islaam praying idols is against religion]