agar kabhi meri yaad aaye -
8th November 2002, 01:22 PM
agar kabhi meri yaad aaye
to chand raatoN ki dilgeer roshni main
kisi sitaray ko dekh laina
agar woh nakhl-e-falak say ur ker tumharay qadmon peh aa giray
to yeh jaan laina
woh ista'ara tha meray dil ka [ista'ara = piece]
agar na aaye ...?
magar yeh mumkin hi kis tarah hay
keh kisi per nigah dalo
to us ki deewar-e-jaaN na tootay
woh apni hasti na bhool jaye!!
agar kabhi meri yaad aaye
garaiz kerti hawa ki lehron peh haath rakhna
main khushbouN main tumhain milon ga
mujhay gulabon ki patioN main talash kerna [gulaon ki pation = rose petals]
main Aos Qatra kay aainay main tumhain milon ga [Aus Qatra = Dew Drops]
agar sitaron main, Aos khushbouN main
na pao mujh ko
to apnay qadmoN main dakh laina
main gard hoti musafatoN main tumhain milon ga
kahin peh roshan charagh dekho to jaan laina
keh har patangay keh saath main bhi sulag chuka hoon
tum apnay haathon say un patangon ki khaak darya main daal daina
main khaak ban samunder main safar karon ga
kisi na daikhay howay jazeeray peh ruk ker tumhain sadaiN doon ga
sumandaroN kay safar peh niklo
to us jazeeray peh bhi utarna!!
By
Amjad Islam Amjad
|