Phir Wahi Talaash -
18th July 2002, 07:45 PM
Har lamhA mujhko uskI, aamad ka intizAr
Har lamhA ye tanhAI, hai merI muntazar.
Har qadam talashta, uske naqsh-e-qadam
Har qadam ko apnI hI, aahat ka hai dar.
Har zarre me mehsoos kar haathoN kI wahI narmI
Har zarre ko hathelI, muTThi me bheeNchkar.
Har hawa me DhUnDhta khhushbU wahi jismAni
Har hawa ke rukhh pe maujood ye nazar.
Har kali ko TaTolta wahi ghazab nazAkat
Har kali ko dekhta laboN se choomkar.
Har phool kI haNsI me nishAN-E-aashnAI
Har phool ka tabassum anjaan bekhhabar.
Har rausnI me DhUnDhUN lAsaanI noor wo hI
Har raushnI ke qatre bhaTke haiN dar-ba-dar.
Har tasveer dekhooN wahi jaadUI rangat
Har tasveer rangeen, jaadU beasar.
Har tabIyat me hai wo sharm-o-haya, adab?
Har tabIyat hai ab to besharm, beqadar.
Har chAndnI raat bata raaz-e-syaah sehar
Har chAndnI raat kahe un zulfoN ka hai asar.
Har parde me chilman sharmsAr palkoN kI
Har parde me hai qaid lekin dilkash patthar.
Har saaye ke neeche mehak wahi zulfoN kI
Har saaye me jAne ghutan hai kis qadar!
Phir wahi talaash jaarI hai ai 'Chaman'
Bhale hi nakisi ko ho uski kuchh khhabar..
[I] Rashid..[/]:)
Chhodo yaar shAyri bahut ho chuki
Alfaaz se jAdUgari bahut ho chuki!!
|