Aisa Nahi -
22nd May 2006, 04:03 PM
Aisa Nahi…
Ham ek dusre se door rahenge
Parantu aisa nahi,
Ham utne paas bhi rahenge
Jitna ki Lahre va Kinara.
Ham ek dusre se door chale jayenge
Parantu aisa nahi,
Ham utne nazdik bhi rahenge
Jaise ki Aakash ke Taare va Raat, Seep va Moti.
Ham ek dusre se alag bhi honge
Parantu aisa nahi,
Ham saath-saath bhi honge
Jaise ki Prakruti ke phool va Khoosboo.
Tum chale jaoge par thode se yahan bhi rah jaoge,
Jaise rah jati hai Mitti ki sondhi khoosboo…pehli baris ke baad…….
|