Mukhtalif si

[vivekpohre]

Ik kahani har kisi ki mukhtalif si mukhtalif si
Har kahani ki rawani mukhtalif si mukhtalif si

Ek ladke ke zehen ki mukhtasar si khwahishen
Ek sajani ho jo uski mukhtalif si mukhtalif si

Haan usay ye chahiye aur haan usay wo chahiye
Chaahatein phir bhi sabhi ki mukhtalif si mukhtalif si

Ek pagli har kisi ko bas ye batlaati phiray
Uskay saajan ki adaayen mukhtalif si mukhtalif si

Har kisiko jab dia hai ek dharti aasamaan
Phir bhi taqdeerein likhi hain mukhtalif si mukhtalif si

Umra bhar chalta musafir hamnazar hota hua
Har safar ki har nazar thi mukhtalif si mukhtalif si

Ek shayar ki ghazal bas ek si hi kehti hai
Har beher ki koshishen hain mukhtalif si mukhtalif si

---------------------
Mukhtasar = Brief, Thodi Thodi[hindi]
Mukhtalif = Different
Beher = Chhand [hindi]