BaZaahir BayRukhi Hay Aur Karam Posheedah Posheedah -
18th April 2010, 07:31 PM
BaZaahir BayRukhi Hay Aur Karam Posheedah Posheedah
Takhatub Ab Bhi Hota Hay Magar Duz-Deedah Duz-Deedah
(posheedah=chhupa hoa) (Duz-deedah= tirchhi aankh, kan-ankhiyon se)
Wo Kiya Aaey Meri Khilwat Main Maykhaana Chala Aaya
Nazar Khwabeedah Khwabeedah Qadam Laghzeedah Laghzeedah
(Laghzeedah=larkharatay hoay)
Shikast-e-Husn Kay Manzar Bhi In Aankhoon Nay Daykhain Hain
Rukh-e-Afsurdah Afsurdah Lab-e-Larzeedah Larzeedah
(lab-e-Larzeedah=kapkapate hont)
Koi Yun Sun Raha Tha Raat Mujh Say Mera Afsaana
Kabhi Sharmindah Sharmindah Kabhi Nam-Deedah Nam-Deedah
(Nam-deedah=Aansoo bahaati aankh)
Kisi Kay Haath Nay Mujh Ko Sahara Day Diya Warna
Kahan Main Aur Kahan Ye Raastay Paycheedah Paycheedah
(Paycheedah=dushwaar)
----------------------------------NM--------------------------------------
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
Last edited by naresh_mehra110; 18th April 2010 at 07:48 PM..
|