Quote:
Originally Posted by fakhri
Ek naii paishkash, shayed pasand aaey aap logo.N ko
Teri aankho.N ka ishara na mila mujhko tou kya
In andhero.N mei.N jalaya hai faqat tera diya
Teri baaho.N ka sahara jo mujhe milta kabhi
In samaajo.N ke ravajo.N ko bhi Thukra deta
Mai.N ne ik baar tere pyar ko jana tha khuda
Tu ne ik baar mere pyar ki puja ki thi
Tu you.N hi gar mujhe rakhti tere man mandir mei.N
In zamaano.N ke Usoolo.N ko bhi Thukra deta
Tu ne thaama tha gale apne laga ker aisey
Mai.N tou soya teri zulfo.N ki ghani chaao mei.N tha
Tu agar deti mera saath you.N hi shaam-o-sahar
Tou saharo.N ko mai.N dunya ke bhi Thukra deta
Mai.N ne ik baar tere dar pe kiye they sajdey
Apni ankho.N mei.N basaya tha kabhi tu ne mujhe
Tu agar you.N hi mujhe dil mei.N chupa ker rakhti
Tou mai.N dunya ke nazaaro.N ko bhi Thukra deta
Mai.N chaha tha mera saath you.N hi deti raho
Tum raho saamne her dum aur kuch bhi na kaho
Jo tu khwabo.N ko mere you.N hi sajaati rehti
Tou savero.N ke ujaalo.N ko bhi Thukra deta
Tu ne choDa hai sar-e-raah magar ab tou mujhe
Tu ne toDa hai mera dil kahu.N kya ab mai.N tujhe
Teri chahat ki haqeeqat ko samajh leta agar
Teri nazro.N ke ishaaro.N ko bhi Thukra deta
Fakhri
|
Meri Jaanib se dheeron Daad aapko sahab pur zor kalam hua hai bazm mein ehsaas umdaa, alfaazon ki chadar mein lapet kar jo aapne dil par chot ki hai, saamne hote to kai bar har sher par muqarrar lafz sunaai deta....
Yunhi likhte rahiYe