Nazm= MaaN -
12th May 2017, 10:29 AM
Jo diya hai khuda ne voh nemat hai maaN
Sach toh ye ke zareeya-e-jannat hai maaN
Lafzo mai jo bayaaN kar nahi sakta mai
Jaan lo yaaro rab ki karaamat hai maaN
Khushiyo se zeest aabaad karti hai maaN
Ke duaao se imdaad karti hai maaN
Kaamyaabi muyassar ho taqdeer ko
Har ghari rab se faryaad karti hai maaN
Gham ho ya ho khushi saath deti hai maaN
Jeeney ka ek tareeqa sikhaati hai maaN
Jab bhi aauu mai maktab se thak-haar kar
Apne haatho se khaana khilaati hai maaN
Jab talak zeest hai maaN ki khidmat karo
Dil se tum ehtaraam-o-mohabbat karo
Gar tumhey karna hai maadar-e-haq adaa
Be-gharaz apni maaN ki himaayat karo
Few meanings
Nemat= gift
Karaamat= miracle
Zeest= life
Imdaad= help
Muyassar= achieve
Maktab= school
Ehtaraam= respect
Maadar-e-haq= right of a mother
Himaayat= support
Kya ishaara karey ye hawaaiye
Gaur se sun zara tu sadaaiye
Khushk pattey bhi kehte bohat kuch
Shabnami phool jo keh na paaiye
|