|
|
|
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja,Aur Wisal [ghazals] -
27th January 2009, 05:41 PM
Ilhaam, wahhi k shairi hai
Iss dil pay jo aaj utar rahi hai
Yeh wasl hai ya main khwab mein hoon
Hai khwab k wasl ki ghari hai?
Soya hai wajood aur dil mein
Ik cheez ajeeb jaagti hai
Khushboo say mehek raha hai aangan
Aur tan pay bahaar aa gaei hai
Aaghosh mein khill uthha hai gulshan
Hontoan pay gulon si taazgi hai
Aankhon mein charagh jall rahay hain
Maathay pay anokhi roshni hai
Kuch door pay hai khizaan ka dera
Basti yeh bahar mein basi hai
Main raah pay teri chal rahi hoon
Duniya meri samt dekhti hai
Kam hon gay aseer-e-yad-e-janan
Yeh bhi to ataey zindagi hai
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 05:44 PM
Tanha, sar-e-anjuman khari thi
Main, apnay wisaal say bari thi
Haan phool thi, aur hawa ki zad par
Phir meri har aik pankhari thi
Ik umr talak safar kya tha
Manzil pay pohanch kay gir pari thi
Talib koi meri naffi ka tha
Aur shart yeh mot say kari thi
Woh aik hawa-e-taaza mein tha
Main, khwab-e-qadeem mein gari thi
Woh, khud ko Khuda samajh raha tha
Main, apnay huzoor mein khari thi
Last edited by zainhasan; 27th January 2009 at 05:46 PM..
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:29 PM
Honay pay main apnay roa rahi hoon
Hasti ka yeh daagh dho rahi hoon
Shakhon pay meri khilaein gay sooraj
Mitti mein kiran jo bo rahi hoon
Uss shakhs ka dekhna qayamat
Khud apna suragh kho rahi hoon
Kis ranj say hath paaon shall hain
Aur zard tamam ho rahi hoon
Kis baat say dil dukha huwa hai
Aansoo kay bagher roa rahi hoon
Ab tark bhi kar chuka to kya gham
Main teri murad to rahi hoon
Banhon mein simat gaei hoon apni
Aaraam ki neend so rahi hoon
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:30 PM
Dekha nahin iss misal ka chand
Sehra mein laga kamal ka chand
Reh reh kay ufuq say jhankta hai
Sharmaya huwa, wisal ka chand
Mshriq say ajab hawa chali thi
Gul honay laga shimal ka chand
Lao day uthay pichhlay saal kay dukh
Nikla hai jo aglay saal ka chand
Bujhti hai teri nigah ya phir
Dhalta hai meray jamal ka chand
Chehra jo tera na dekh paei
Kya dekhti phir shewal ka chand
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:32 PM
Kuchh ranj na koei be qarari
Dil par hai ajab sakoot tari
Takseem to ho rahi hai rahat
Aati hi nahin hai meri baari
Ulfat mein tha sehl jaan dena
Ik cheez yehi thi ikhteyari
Dil dard mein doobta tha lekin
Aankhoin say huway na ashk jaari
Sab choom kay pichhay hat gaey thay
Pathar tha wafa ka sakht bhaari
Dushman ki sipaah bhi thi shashdar
Iss shaan say main nay jang haari
Afsos tha pichlay mosamon ka
Yeh rutt bhi mili to intazaari
Jab ban gaya aasman, samander
Saahil pay buss aik shab guzari
Iss baar na bach sakay gi shayad
Chahat ko laga hai zakham kaari
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:33 PM
Kanton mein gulab dekhti hoon
Main aaj bhi khwab dekhti hoon
Ik ranjish-e-be sabab kay ba'is
Khana hi kharab dekhti hoon
Aankhon mein dhuwan sa bhar raha hai
Manzil ko sarab dekhti hoon
Ik harf-e-ghalat huwi hoon jiss mein,
Hasti ki kitab dekhti hoon
Aankhein jo khulin,to khud pay khultay
Tanhaei ka baab dekhti hoon
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:35 PM
Ik hasrat-e-aab ho gaei hoon
Main khud hi saraab ho gaei hoon
Likhi hoon ik ajnabi zaban mein
Honay ko,kitaab ho gaei hoon
Ik khwab mein jii rahi thi ab tak
So khwab hi khwab ho gaei hoon
Tha kitna saja huwa yeh chehra
Aur kesi kharab ho gaei hoon
Ginta jo raha woh mujhh ko har pal
Be hadd-o-hisab ho gaei hoon
Gohar thi kabhi dil-e-sadaf mein
Ab naqsh br aab ho gaei hoon
Karti thi sawal zindgi say
Ab apna jawab ho gaei hoon
Too bethh kinar-e-ishq, main to
Sohni ka Chanab ho gaei hoon
Ab toar liya chaman say rishta,
Jangal ka gulaab ho gaei hoon
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:36 PM
Rastay mein diya jala rahi hai
Jangal ki hawa bula rahi hai
Ab raaz na reh sakay gi chahat
Yeh shoakh,jo gull khila rahi hai
Ik dard para hai palenay mein
Aur yaad usay hila rahi hai
Aankhon pay khulay hain pankh iss kay
Ik aas mujhay sula rahi hai
Chhatri pay sajay hain kuchh kabootar
Aur chandni jhhilmila rahi hai
Thhandak hai badan mein iss bala ki
Ab barf mujhay jala rahi hai
Kis shakl ko bhoolnay lagi main
Kya zeest mujhay bhula rahi hai
Peeni hai nabeez-e-ishq mujh ko
Woh aankh agar pila rahi hai
Phir zindgi jaisay dartay dartay
Ranngon say nazar mila rahi hai
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:37 PM
Ik pall ko,na raat so saki main
Uss khwab ki aas mein rahi main
Jab dheyan mein aa gaya woh chehra
Sonay kay bajaey, roa pari main
Bass aik hi yaad mein garifta
Dil thaam kar apna reh gaei main
Bass aik hi ranj say shikasta
Kion uss say bhala juda huwi main
Bass aik khayal dil pay taari
Woh jagta,sath jagti main
Hota woh agar qareeb meray
Phir chhoo kay bhi uss ko dekhti main
Khush baash rahay,sada jiey woh
Par uss say bichhar kay marr gaei main
Zahir mein to sans lay rahi thi
Zinda thi bagher-e-zindgi main
Chandi say badan pay tha andhera
Uss chand say kitni door thi main
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:39 PM
Bann karr to rahi main uss ka saya
Woh mera libaas bann na paya
Kuchh waqt hi darmiyan aaya
Main nay to usay nahin bhulaya
Dunya to nahin ujar ga'ei hai
Ik shakhs agar huwa paraya
Jaisay thi main raet parr ko'ei naqsh
Yoon moj nay barh kay aa mitaya
Ik deep hawa kay haath parr tha
Aur main nay bhi ik diya jalaya
Ik raag tha raat kay labon parr
Aur main nay bhi aik geet gaya
Sehra ki tarah chamak utthi main
Woh chand kabhi jo jagmagaya
Manzil teri aur thi to mujh ko
Kis wastay hamsafar banaya?
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:41 PM
Too saath hai,bass isi khushi mein
Dkha na kuchh aur zindgi mein
Rastay mein hazar dasht-o-darya
Guzri hoon main aik be khudi mein
Iss tarah ka ishq aur saliqa
Paya tha faqat ik aadmi mein
Iss khwab ko dhoop say bachana
Chatka hai jo shabb ki roshni mein
Mehman tha woh aaj doosron ka
Aaya to sahi,meri gali mein
Mosem na faza ka ranng dekha
Itna tha malaal meray ji mein
Maaloom tha mujh ko rannj day gi
Har channd maza tha aagahi mein
Khwahish bhi rahi ke kuchh kahay woh
Tha lutf bhi aik, ann kahi mein
Dekha nahin mujh ko,sabb ko dekha
Asbaat tha kaisa uss naffi mein !
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:43 PM
Ik paer ki oat mein chhupa tha
Woh door say mujh ko dekhta tha
Woh paas raha magar kuch aisay
Saya kisi sa'ey say mila tha
Pani mein ghula tha aks mera
Uss aks mein ko'ei doobta tha
Ik phool meray ujaar bann kay
Goshay mein kahin khila huwa tha
Ik chaand nikal kay baadlon say
Phir baam pe meray aa gaya tha
Woh shoq say do charagh aankhein
Lay karr meri raah mein khara tha
Woh haath ajeeb baankpann say
Ik baar meri taraf barha tha
Woh geet jo uss nay gungunaya
Jaisay kabhi neend mein suna tha
Be saakhta mein nay chhoo kay dekha
Bilkul hi woh meray khwab sa tha!
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:44 PM
Phir khwab ko'ei naya naya day
Ay raat! mera diya jala day
Ik baat adhoori reh ga'ei hai
Ko'ei meray doast ka pataa day
Abb chhor day kar-o-bar-e-dunya
Be sakhta abb mujhay sada day
Jo barf jami huwi hai mujh parr
Abb dast-e-bahar say hata day
Main saans to lay sakoon dobara
Seenay sar yeh sanng-e-gham hata day
Ik naqsh bana kay raet parr woh
Chahay to ko'ei hawa chala day
Hoanay ka yaqin dila'ay mujh ko
Woh ghamm jo mujhay mera khuda day
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 09:57 PM
Dill bujh sa gaya tha rahton mein
Phir zinda huwa teray ghamon mein
Uss lutf nay karr diya tha be zaar
Lutf aanay laga hai ranjishon mein
Ik baat ajeeb uss nay ki thi
Neend aanay ki pehli sa'aton mein
Chehra na mein uss ka dekh pa'ei
Aankhein jo chhupi thein aansoo'on mein
Shamil thi kisi ki narm aawaz
Iss dill ki udaas dharkanon mein
Tanha'ei bhi sath chall rahi thi
Rasta bhi nahin tha janngalon mein
Pathar sa gira tha aks-e-mahtaab
Ik jheel kay sabz pani'on mein
Kya cheekh thi jiss say goonj utha tha
Sannata, khamoash wadiyon mein
Kya hijr tha, jiss kay khwab dekhay
Aur sakht wisaal kay dinon mein!
Last edited by zainhasan; 27th January 2009 at 10:04 PM..
|
|
|
|
|
Registered User
Offline
Posts: 44
Join Date: Jan 2009
Rep Power: 0
|
Samina Raja, Aur Wisal [ghazlein] -
27th January 2009, 10:13 PM
Jabb dhoop na chandni huwi main
Kis ranng ki roshni huwi main
Kis taal pe dill dharak rahay thay
Too raag tha, raagni huwi main
Thi teray darash ki saari shoabha
Uss roaz say kaamni huwi main
Chhoonay say teray huwa chamatkaar
Ik raat mein, padmani huwi main
Jis ghamm mein liya hai joag too nay
Uss dard say, kaasni huwi main
Khud apnay hi dill mein garr ga'ei hoon
Naeza tha woh ishq, ani huwi main!
Kis tarah na toot karr bikharti?
Pathar say na thi bani huwi main!
|
|
|
|
|
Registered User
Offline
Posts: 417
Join Date: May 2008
Location: Gamoo Kay Saath
Rep Power: 18
|
28th January 2009, 02:44 PM
Pankaj Udas ji ki gajal jo aap sub ney suni hoghi Mujay bahut pasand hai, Usi Ki 4 Line Likh raha hu, sayad aap sub ko pasnd aay,
YEH AARZO THI KI HASKER HUMAY KOI MILA HOTHA
KAHI TO HUMSAY KISI KA DIL AASINA HOTA
Kisi n bhi to na dekha nigah bher key mujay2
Gaya fir aaj ka din bhi udas kerkey mujay,
Kis n bhi............................................... ........
Gaya.............................................. .............
Kisi n bhi............................................... ......
sawab bhi layo na koi payam aapno ka
suna rahi pasaney edhar udher key mujay
gaya fir............................................... ..
|
|
|
|
|
Registered User
Offline
Posts: 417
Join Date: May 2008
Location: Gamoo Kay Saath
Rep Power: 18
|
31st January 2009, 09:53 AM
yeh gajal daddy film ki hai jo vakai bhaut achi hai aap sub ko bhi pasand aayeghi
aaina mujse meri paheli si surat mange-3
mere apne meri hone ki nishani maange
aaina mujse mari paheli si surat mange
mein bhatakata hi raha dard ke viraane mein
wakt likhta raha chere pe har pal ka hishab
meri shorat meri diwangi ki nazar hui
pi gayi may ki bolte meri geeto ki kitab
aaj lauta hoon tu hasne ki ada bhool gaya
yeh sahar bhoola muje mein bhi ishe bhool gaya
mere apne meri hone ki nishani mange
aaina mujse meri paheli surat mange
mera fan phir muje bazaar mein le aaya hai
yeh vo jagah ke jahan mero vafa bikate hain
baap bikate hain aur lakhte jigar bikate hain
kookh bikati hain dil bikate hain sar bikate hain
is badalti hui duniya ka khuda koi nahin
saste daamo pe yahan roz khuda bikate hain
har kharidaar ko bazaar mein bikataa paya
hum kya paayenge kisi ne yahaan kya paayaa
mere aheshas mere phool kahin aur chale
bol pujaa meri bachi kahin (aur chale )-2.... aur chale
|
|
|
Thread Tools |
|
Display Modes |
Rate This Thread |
Linear Mode
|
|
Posting Rules
|
You may not post new threads
You may not post replies
You may not post attachments
You may not edit your posts
HTML code is Off
|
|
|
Powered by vBulletin® Version 3.8.5 Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
|
|