Quote:
Originally Posted by zainy
Jigar aur dil ko bachaanaa bhii hai
nazar aap hii se milaanaa bhii hai
muhabbat kaa har bhed paanaa bhii hai
magar apnaa daaman bachaanaa bhii hai
jo dil tere Gham kaa nishaanaa bhii hai
qateel-e-jafaa-e-zamaanaa bhii hai
ye bijlii chamaktii hai kyuN dam-ba-dam
chaman meN ko’ii aashiyaanaa bhii hai
Khirad kii ata’at zaruurii sahii
yahii to junuuN kaa zamaanaa bhii hai
ye duniyaa, ye aqbaa kahaaN jaaiye
kahiiN ahl-e-dil kaa thikaanaa bhii hai!
mujhe aaj saahil pe rone bhii do
ke tuufaan meN muskuraanaa bhii hai
zamaane se aage to baRhiye “Majaz"
zamaane ko aage baRhaanaa bhii hai
_Majaaz
|
superbbb............... now this is called brilliant artwork..
kamaal ka kalaam hai waahhhh...... zainy ji bahot hi kamaal ki sharing ki hai aapne.. iska lafz lafz majaaz ke hone ki gawaahi de raha hai ....
khush raho.... share kartii raho
Shaad...