Shayri.com  

Go Back   Shayri.com > Shayri > Shayri-e-Mashahoor Shayar

Reply
 
Thread Tools Rate Thread Display Modes
ab dawaa chaahiye chaarah-gar ke liye!
Old
  (#1)
B.G.M.
Moderator
B.G.M. will become famous soon enough
 
Offline
Posts: 113
Join Date: Nov 2014
Rep Power: 10
ab dawaa chaahiye chaarah-gar ke liye! - 8th May 2015, 10:33 PM

dosto, aaj mire marGhuub shaa'ir "shakeel" badayuni ki ik Ghazal jo mujhe be-Had pasand hai, aap se share kar rahaa huuN, leejiye, suniye
-----------------
Ghazal


har qadam zehmateN har nafas uljhaneN
zindagi waqf hai dard-e-sar ke liye
pehle apne hi darmaaN kaa Gham thaa hameN
ab davaa chaahiye chaarah-gar ke liye!

aaj ik ajanbi se nigaaheN mileeN
sirf eik lamHa-e-muKhtasar ke liye
zindagi is taraH mutma'iiN ho gayii
jaise kuChh paa liyaa umr bhar ke liye!


raa'igaaN keejiye aap sajde mire
mera kyaa hai, maiN uTh kar chalaa jaa'uuNgaa
kal kahiiN aap hi ko nah kehnaa paRe
ik jabeeN chaahiye sang-e-dar ke liye!


maiN ne baKhshii hai taareekiyoN ko zi'a
aur Khud ik tajaallee kaa moHtaaj huuN
roshni dene waale ko bhi kam se kam
ik diya chaahiye apne ghar ke liye


ay :Shakeel: un ki meHfil meN bhi kyaa milaa
aur bhii baRh gayiiN dil ki be-taabiyaaN !
sab ki jaanib rahii woh nigaah-e-karam
ham taraste rahe ik nazar ke liye!


~Shakeel Badayuni

(Munni Begam ki aavaaz meN is Khuub-suurat Ghazal ko yahaaN suniye)

http://www.youtube.com/watch?v=psB7RQAoLVg&feature=related

================================================== =========
   
Reply With Quote
Reply

Thread Tools
Display Modes Rate This Thread
Rate This Thread:

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump



Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com