kya kahana tha kya kahte ho
aise kab thy tum jaise ho
Wah…Khubsurat Matla
mujhko kyu dar lag jata hai..
pas mere se jab uth'te ho
Ye Bhi Khoob Kaha…
Jab bhi hasta huN main bolo..
Zakhm mere tum kyuN dukhte ho.
Boht Boht Umdah Takhayyul , Khubsurat Andaaz-e-Bayaan…..Dheron Daad
chhoti chooti baateiN thi jo
ab bhi unpe khush hote ho
mere pass hi aana hoga
jaao jahan bhi tum jaate ho
maine suna hai logoN se ye
tum mujhko 'mera' kahte ho
Vikaas Ji…. Is Sher Ka Saani Theak se Mujh Par Nahi Khula, Wesay Agar Aisa Kar Len To Samajhnay Me Ziaada Aasaani Aa Sakti Hai
TUM MUJH KO “APNA” Kehtay Ho
Is Ka Bhi Wohi Mafh’oom Hai jo Aap Kehna Chah Rahay Hain…..
ik din hum ik ho jayenge
main bholaa ya, tum bhole ho
Hmmmmm….. Khooob…Andaaz Acha Laga….
sabko naam tumhara de duN
mujhko sab meiN tum dikhte ho
Wah…Kia Kehnay…Ye Hee Hota Hai Muhabbat Me….
Bas Aik Baar Muhabbat Se Us Ko Dekha THa
Phir Us Ke Baad Har Ik Chehra Us Ka Chehra Tha
kaun sa kona dilli ka hai..
taaro jahan se tum dikhte ho
kahmoshi hi khamoshi hai..
aisa kya hai jo sunte ho
Behtreeen…..
pyaar agar hai sach me tumko
apni zubaaN se kyu kahte ho
Ye Bhi Gehra Hai Saheb….. Wesay Vikaas Ji Aap Bhi Door Ki Kehtay Hain, Jo Acha Lagta Hai….
mere kaise .. ho paaoge
maiN ugta huN, tum dhalte ho
Wah Wah Wah… Kia Kehnay….
laut ayega anaaewala
jaag pade ho ya sote ho
Wahhh…
honthoN ko hothoN pe rakh kar
do wo saans jo tum lete ho
khoob
jaise jaise likhta hun main
waise waise tum dikhte ho
Wah…kamal Ka Sher Hai Janab…..
nind nahi aati hai mujhko
tum jaane kaise sote ho
Usay Abhi Nahi Na Lagi Ho Gi Ye Agan……..!
Hahahaahaa…. Wesay Acha Kaha
yaad rahe ik din tum ye hi ..
kaatoge bhi jo botey ho
Its Fact & Reality….. Daad
pyaar to maine kiya hai tumko
tum bin baat hi kyu ainthey ho
Mujhy Is sher Ki Samajh Nahi aa Saki,
koi duniyaa jeet gaya hai
ik tum khud hi meiN uljhe ho
Wah Wah Wah…Ye Bhi Umdah Kaha….Daad
aao tumko choom ke dekhuN
meethey ho jo, kitne meethey ho
Hmmmmmmm…Waqae Dekhna TO Chahiye…… J
main saare ka saara tumhara
ankheN lab dil kyu chunte ho
Aashiq Ho TO Aisa…. Acha Laga Aap Ka Ye Andaaz…..
yaad chalo aati na hogi
yaad aana bhi kyu bhoole ho
ek ghazal se bharta nahi dil
bolo kal se fir milte ho
fikr nahi ye tum bhi sun lo
aaj maro jo kal marte ho
Vikaas Ji………. Aik Taweel Or Khubsurat Ghazal Parhnay Ko mili… Buland Takhayyul Ko Boht Sada Alfaaz Me Dhalnay ki Koshish Achi Lagi…. Likhtay Rahiye…..Daad Qabool Farmaiye……