desh ki daastan

[pursho]

hum kyon na karein propkar aaj,
manavta jab roi hain,
jagne ki bela mein, aaj saari duniya soyi hain,

kis rishte se jiye zindgi,
kehne maatr sab bhai hain,
kuch hindu, kuch sikh, kuch muslim,
aur kuch kehte hum isaayi hain,

hum kyon saans le is duniya mein,
jahan vaasna hi abhooshan hain,
natikta ka koi mol nahi,
bas izzat ka hi shoshan hain,

main kaise so jayo sapno mein,
sar ke neeche makhmal sirhane par.
aaj bhi marte hain masoom bachche,
thithurte thand ke aane par.

kyon nahi pighalte woh pathar dil,
jo brahshtachar se jeete hain.
unhi ke kaaran,
imaandar apne ansoou ko peete hain.


main kaise sukh le sakta hoon,
aasman ki udano mein,
mere kuch aise bhi dost hain,
jo a-sahe hain paer uthane main.

kaash rok paata main inh lamho ko, ek pal ke liye,
mod deta hawao ka rukh,
ek sunhare kal ke liye,

mar jaata hain aaj apna vatan,
kisi mulk ke aazmaane mein,
jo sone ki chidya kehlati thi,
padi hain aaj viraane mein.

hum kyon na karein praupkar aaj
manavta jab roi hain,
jagne ki bela mein bhi aaj,
saari duniya soyi hain,

[sameer'shaad']

behad kadwee sacchaai aapne pesh ki hai Pursho ji........ desh ki sacchaai, waqt ki sacchaai aur insaan ki sacchaai ka behad sundar chitran kiyaa gaya hai..... likhte rahiye....

Shaad...