Quote:
Originally Posted by B.G.M.
ik bahot puraani Ghazal, eik muddat ke b'aad sun ne ko milee aur us ki bandish ne bahot mutassir kiyaa,
sochaa kih yahaaN pesh karuuN.
Shaa'ir kaa naam to mujhe nahiiN m'aluum, agar aap meN se kisii ko pataa ho to zaruur likh deejiye, [/size]
Ghazal
ham chal to paRe haiN, jazbah-e-dil Jaanaa hai kidhar m'aluum nahiiN
aaGhaaz-e-safar par naazaaN haiN, anjaam-e-safar m'aluum nahiiN
kab jaam bhare, kab daur chale, kab aaye idhar m'aluum nahiiN
uTThe bhi agar Thehregi kahaaN, saaqii ki nazar, m'aluum nahiiN
ham aql ki Had se bhi guzre, seHra-e-junuuN bhi Chhaan liyaa
ab aur kahaaN le jaayeNgi saaqii ki nazar, m'aluum nahiiN
mumkin ho to ik lamHe ke liye takleef-e-tabassum kar leejay
ham meN se abhi tak kitnoN ko mafaHuum-e-saHar m'aluum nahiiN!
Jazbaat ke sau aalam guzre, eHsaas ki sadiyaaN beet gayiiN
aankhoN se abhi un aankhoN tak kitna hai safar m'aluum nahiiN
ham chal to paRe haiN.....
==========================================
Firoz Akhtar ki maKhmalee aavaaz meN is Ghazal ko yahaaN suniye,
http://video.search.yahoo.com/video/...art=btbar&tt=b
====================================
|
WWWWWAAAAAAHHHHHHH
kya kamaal ki ghazal share ki aap ne BGM sahab. waaqayee aap ki paarkhi nazar ka jawaab naheen. bahaut bahaut shukriya is had se ziyada khoobsurat qalaam se ru ba ru karwane ka!!