Quote:
Originally posted by sagar_vishvaraj
avyakt vicharo ko vyakt kar raha hun
kuchh na kar , kuchh na keh pane ki kuntha ko ashakt kar raha hun
antar k goodh rahasyo ko kar saku ujagar
iksha hai jaan saku swyam ko ..pare agyat simao k
hey ek-matr aadhaar vishvah k ho jaagrat
ban sahayak karo jaagrat akriti mein atma ko
niyantrit kar endriyo ko , jiwan sangharsh mein
deh-rath k bano sarathi
tum par agyat sa vishvash hai
ashakt
nirash
bojhil man se
matr sajiw darshak ho raha hun
kunthao , abhilashao k bojh tale
matr nirjiv vimarshak ho raha hun
mahatwaakankshi kathor main k kuthaaraaghat se
pashan pradarshak ho raha hun
kuchh na kar , kuchh na keh ki aswikrit nirasha
thake tan aur man ki sampoorn vishram hetu mritu abhilasha
tadhaypi manaw man k sundar diwaswapn si jine ki aashaa
hey dev
.
He mahamanaw
.
Main bhi manaw hun ..mujhme bhi ikshaye hai
Jiwan jine ki
.auro ki bhanti hi
Main bhi jiwit rehne ka ikshuk hun
Prarthi hone ki kalaa se anibhigya
Prarthana , abhyarthana se vimukh
Nahi janta kaise vyakt karu swyam ko
Parantu tum to antaryaami ho
Tum to man awam vicharo k gyani ho
To
..jaan lo mere avyakt ko
.
|
Sagar Ji
jane kyon aisa lagta hai ki aapko aapke ke hee andar jaakar parha jaaye. In vichaaron ko parhkar mujhe bahaut khushi hoti hai. Aap apni rachnaon se apni drid pehchaan de chukey hain. Khusnaseeb hoon main jo aapke parhney ka awsar paata hoon.
ek baat aur kehna chahunga main ki, aap apni rachnaon ko ek hee post mei matt likhiye, unhe alag alag shirshak ke saath hee alag alag post kijiye. Nahin tow bahaut saare dost aapki kalam ko parhney se vanchit reh jaayenge. main chahunga aap sabhi rachnaon ko alag-alag shirshak se prakaashit karein.
aapka shubchintak
vipin