mera hi mann mere andar khilaf rahta hai

[rumi]

aadab arz hai doston, .................................................. ..
main aaj apni tisri ghazal pesh kar raha
hoon jo main ne khas apne upar hi likha hai.
magar mujhe yaqeen hai ke yehi haal sabhi ka hai.
====================================
to pesh hai mera khayal jo mujh se hi nahi milta . .
====================================

mera hi mann mere andar khilaaf rahta hai,
wo hoke bhi mera dilbar mere khilaaf rahta hai.

wo mera dost hai mera bhala hi chahta hai,
isilia to wo aksar mere khilaaf rahta hai.

main kioun khilaf nahi apne dushman se
bas itni si baat pe ghar-bhar mere khilaaf rahta hai.

ubharne deta nahi, dubone deta nahi,
mujhi se mera samandar khilaaf rahta hai.

na mera dard badhata hai, na khun bahata hai,
mere hi zakhm se nastar khilaaf rahta hai.

ye aabshar,ye waadi, ye sehra, ye kahsar,
suhana jo bhi hai manzar, mere khilaaf rahta hai.

dawa bhi deta nahi , zahar bhi peelataa nahi,
jo charagar wahi aksar, mere khilaaf rahta hai.

sabab jis se bhi pucho pata chalega yehi,
pata nahi kioun-kar mere khilaaf rahta hai.

yezid aaj bhi hain kitne, hussain aaj bhi hai eik hi,
ke jis se lakhon ka lashkar khilaaf rahta hai.

mujhe wo jaam bhadhata hai roz bhar-bhar ke rumi,
main jab bahakta hoon pee kar,mere khilaaf rahta hai


youn bhi muskarate rahen, kya kua jo koi aapke khilaf rahta hai.

kioun thik kaha naa.


acha to ijazat dijia doston,
raat kafi ho gayi , aur abb sona bhi to hai.
aap ke mashwiron ka talabgar raha hoon islia aap apne tanqeed
se zaroor nawazete rahen.

[Sharaabi]

Babu bhai
Yeh ghazal behad pasand aayi, lekin kaii jagaa lagta tha ki - beher ke hisaab se aapne kaii sheroN meiN lafz zada daal diye

Jaise ki yahaaN --

main kioun khilaf nahi apne dushman se
bas itni si baat pe ghar-bhar mere khilaaf rahta hai.

KyooN ki yaad rakhiye ga ki har Ghazal ka har sher ek hi 'beher' ka hona chahiye..
Ek baat aur kahuuN, gar buura na maaniye to? Aap jaise ek dam se 'teen-chaar' ghazaleN post karte ho, us se log bahot kam reply kareN ge.. jaise aap ek din chhoD kar dusre din post kar sakte ho.. taaki logoN ko reply karne ka mauka mil jaaye; aapki marzi hai dost

Taareef ke saath..

Likhte rahiye,
Aman

[rumi]

aadab arz hai janab,

main khariyat se rahkar aapki khiriyat barabar nek chahta rahta hoon,

dar-asal baat yeh hai ke main kafi dino ke baad site par aaya tha islia, jo ghazlen main ne likhi hui thi, use post kar dene main hi bhalai samjhi,

agar aisi baat hai to main aapke masware par amal karne ki bharsak koshis karoonga.

aapke jo tanqeed ki hai uska bhi aainda khayal rakhoonga.

abb ijazat dijia.
aapka apna.

[rumi]

aadab arz hai janab,

main khariyat se rahkar aapki khiriyat barabar nek chahta rahta hoon,

dar-asal baat yeh hai ke main kafi dino ke baad site par aaya tha islia, jo ghazlen main ne likhi hui thi, use post kar dene main hi bhalai samjhi,

agar aisi baat hai to main aapke masware par amal karne ki bharsak koshis karoonga.

aapke jo tanqeed ki hai uska bhi aainda khayal rakhoonga.

abb ijazat dijia.
aapka apna.

[rumi]

aadab arz hai janab,

main khariyat se rahkar aapki khiriyat barabar nek chahta rahta hoon,

dar-asal baat yeh hai ke main kafi dino ke baad site par aaya tha islia, jo ghazlen main ne likhi hui thi, use post kar dene main hi bhalai samjhi,

agar aisi baat hai to main aapke masware par amal karne ki bharsak koshis karoonga.

aapke jo tanqeed ki hai uska bhi aainda khayal rakhoonga.

abb ijazat dijia.
aapka apna.