'sdc' ke sabhi sadassyoN ko mera s-sneh namaskaar!!!
Baat December, 2005 ke aas-paas ki hai, jab kisi News Channel ne Kuch SaansadoN ka, Sansad Bhawan me swaal puchhne ke badle paise lene wala, sting operation kiya tha aur tab sting operations ki India me shuruaat hi hui thee.
Yeh vyang uss Waqt likhne ki koshish ki thee, aaj Kuch puraani cheezoN se yeh ek phate hue panne pe likha mila. Maine isse dubaara pdha aur mujhe pdh ke achha laga. Socha ki, vishay to zaroor puraana hai lekin vyang to vyang hi hai, KyoN na isse aap logoN ke saath baant liya jaye!
Mujhe Umm'eed hai ke aap logoN ko ye vyang avshya pasand aayega, iss ke baare meiN, achhi ya buri, jo bhi aapki rae bane, zaroor likhiyega...
¤*¤*¤*¤*¤*¤*¤*¤*¤*¤*¤*¤*¤*¤
'Sting operation' ka dekho chala naya daur hai bhaiya,
Camere me dikhlaate haiN kaun kaise bana raha hai ruppiya...!
Chhotti si ek aankh ye dekho kaise sabko kar deti hai nanga,
Jo bach gaye so panda baaki sab chale nahaane ganga...!
Sansad aur 'Supreme Court' ka bhi isme dekha role anokha,
Koi saza nahi hai unko jo karte haiN milkar desh se dhokha...!
Maano koi jo pakda gaya, kisi swaal ke badle me leta paise,
To ye uska visheshaadhikaar tha, usse koi sajja phir kaise...?
Koi dikha maangta 'grant' 'paas' karne ke liye 'commission',
Zaahir ho raha tha ke nahi siwa paise ke, duja, kisi ka 'mission'...!
Phir chand unche logoN ne socha ke iss ka hona chahiye koi upaay,
KyoN na mantariyoN ki bulwaa baithak unki bhi lee jaye Kuch raay...?
Phir ki gayee gathit Kuch ohde'daaroN ki 'committee',
Jisko karni thi charcha iss par ke ye samassya kaise jaaye sametii...?
Ek-mat hue phir sab dushman mil-jul kar iss par,
Ke mitaana rishwat to sarkaar hai bahut hi dushwar...!
Ab sikhaane honge saansadoN ko Kuch tau aise upaay,
Ke lete hue rishwat ab cameroN se Khud ko kaise bachaaye...!
Suno Saansado! Ab tumko rehna padega chaukanna,
Yuvaa iss desh ka ab bada ho gaya nahi raha hai munna...!
Doodh ka ab hoga Doodh, aur hoga paani ka paani,
Chhupp kar ab tu Kuch bhi karle, teri pakdi jaayegi beimaani....!!!