Arsa daraz ho gaya

[fakhri]

Kuch likhne ki koshish ki hai. Ummeed hai aap ko pasand aaey:

Mitaey.Nge her burai ko her aek ghar se hum
Darte nahi.N hai.N yaro.N kisi bhi bashar se hum

Kya tum ko hum manaey.N ab hosla nahi.N
Khud hi gire hai.N itney apni nazar se hum

Jub tum nahi.N to lagti hai.N galiya.N yeh ajnabi
Guzre hai.N wese baarha is rahguzer se hum

Jis ko bhi dekho must hai apni tabahi mai.N
Ummeed kya rakhai.N bhala aese nagar se hum

Arsa daraaz ho gaya manzil na mil saki
Ummeed to bohot thi jo nikle they ghar se hum

Jub se khabar mili hai ke milne woh aaey.Nge
Mar mar ke ji uthey hai.N tiri is khabar se hum

Manzil ka kuch pata hai na kuch hum ko ilm hai
UTh ker to chaley aaey hai.N ab tere dar se hum

Dhalte hi shaam aaey.Nge milne woh baam per
Nazrei.N bichaye beyThey hai.N Fakhri sahar se hum

Fakhri

[Madhu 14]

Waah..fakhri ji..bahut khoob laga ye andaaz aapka...

Likhte rahein..
Aate rahein....

Regards
Madhu

[sameer'shaad']

Kya tum ko hum manaey.N ab hosla nahi.N
Khud hi gire hai.N itney apni nazar se hum


kamaal ki bayaani huii hai saahab... bahut ummdah... tamaam ghazal hi behad pasand aayee.. magar ye sher to bas kyaa kahne..... bahut si daad aur mubarakbad aapko...

Shaad...

[ISHK EK IBADAT]

bahut khoob fakhri jee...........................................

[fakhri]

Aap sub ka bohot shukriguzar hu.N Madhuji, Shaadsaheb aur Ishkji ke aapko isme kuch achcha laga aur tehrir pasand aaii. Himmat afzaii ka shukria.