Kavita

[sunnymax2002]

Hi everybody. I'm sunny, perhaps the newest in your community. Hey, is baar mujhe maaf karna, i'm writing in english, as this my first post on any forum. I'll try to post all future threads in hindi. Here's a short poem, the first poem in my records...that i present to u. Hope u'll like it.

[B]Kavita[\B]

Jab dil bahut kuch kehna chahe
par koi sunne wala na ho
jab insaan apni khushian aur gham
kisi ke saath baantna chahe
par koi saathi, humsafar na ho
to man bechain ho uthhta hai
aur ik kavita janm leti hai
haan ek kavita janm leti hai
jo man ko chain deti hai
aur phir,
voh man jo maayush tha,
jo kisi ko kuch sunane ke liye aatur tha,
khush ho jata hai
jab ek kavita janm leti hai...

par kabhi-kabhi, virag si kali ghata
is man par bhi chha jati hai
tab hridaya dravit ho uthhta hai,
aur aankhen bhi bhar aati hain

par voh, khush bhi to ho jata hai,
jab is kavita ke jariye,
apni baatein,
sirf kuch ko nahin, sabko keh pata hai

par kya yoon hi kavitayen janmi hain...
kya sukh dukh inki janni hain...
kya man hi inhe sanjota hai...
moti hain yeh...
jinko voh yoon hi pirota hai...
ya phir moti se anmol...
ya shayad sabse anmol...