aik e'laan! aik darKhwaast!

[Sarwar A. Raz]

dosto: aadaab!

mujh ko aaj aap se aik nihaayat aham baat kehnee hai. ummeed hai k iss kaa Khaatir.Khwaah nateeja nikle gaa. shukriya peshgee Haazir hai!

sab ko ilm hai k Urdu she'r.o.adab kee be'shumaar kitaabeN shaa'ye hotee rehtee haiN. kitaab likhnaa to mushkil hai hee lekin iss manzil meiN jo kaam taqreeban naa.mumkin hai voh hai kitaab kaa paRhne vaaloN tak poNhchaanaa hai! beshtar logoN ko kitaab Khareed kar paRhne kaa shauq vaise bhee kam hotaa hai.

Urdu kee bad.qismatee yeh hai k hamaare yahaaN kitaabeN lene kaa shauq kam.o.besh naa'ped hai! iss kaa nateeja yeh hai k baRe baRe likhne vaaloN kee kitaabeN bhee nihaayat kam ta'daad meiN Chhapne ke baa'vujood kayee kayee saal yooN hee paRee rehtee haiN aur aaKhir.e.kaar ruddee kee nazr ho jaatee haiN.

maiN ko'ee baRaa shaa'ir yaa adeeb naheeN hooN lekin aik musannif kee Haisiyat se maiN bhee isee mushkil kaa shikaar hooN. ab tak Urdu she'r.o.adb per meree chaar kitaabeN shaa'ye ho chukee haiN aur aik kaseer ta'daad meiN mere paas paRee hu'ee haiN.

zaahir hai k mere ba'd yeh sab ruddee meiN hee Daal dee jaa'yeN gee. maiN ne iss mas'ale kaa apnee Had tak jo Hal sochaa hai vohee iss Khat kaa maqsad hai.
maiN apnee kitaabeN BILAA.QEEMAT tuHfe ke taur per un asHaab.e.zauq ko denaa chaahataa hooN jo Urdu se lagaa'o rakhte haiN. iss taraH yeh kitaabeN aik aChhe kaam meiN aa jaayeN gee aur mumkin hai k in se kuChh logoN ko faa'ida bhee ho jaa'ye.

yeh bhee zaahir hai hai k maiN in saikaRoN kitaaboN ko paRhne vaaloN tak apne Kharch per naheeN poNhchaa saktaa hooN. iss liye agar ko'ee saaHib.e.zauq sirf postage bardaasht karne ko tai'yyaar hai to maiN uss ko kitaab parcel kar saktaa hooN. chooN.k muKhtalif maqaamaat kee postage muKhtalif hotee hai (US $3 - $7) iss liye sab ke liye aik hee raqam behtar ho gee. maiN ne yeh raqam US $4.00 rakhee hai.

agar aap chaaheN to mujh ko bhej deN. maiN kitaab aap ko bhej dooN gaa. maiN iss program kee ibtidaa apnee GhazaloN ke majmoo'e :Shehr.e.Nigar: se kar rahaa hooN. aa'inda ke iqdaamaat nateeje per munHasir hon ge.

aap ke ta'aavun kaa intizaar rahe gaa.

Sarwar A. Raz
8020 Moss Rock Drive
Fort Worth, TX 76123, U.S.A.
(817) 423-3382 : Phone
<sarwarazi@yahoo.com>

[Shimul]

Hope you are well. I would Love to have one of your books. Actually it's a pleasure of mine to read your writings. Please save one for me. I would be greatful to you. Thank you very much. Can I add you? Take care. God bless you. Allah Hafiz.

[Sarwar A. Raz]

Shimul jee: aadaab!

aap ke Khat kaa shukria. " I look forward to hearing from you. Please go ahead and do what you want to do."

Sarwar a. Raz :Sarwar:

[Shimul]

Dear Sarwar Jee, bohot bohot shukriya aapka. I have added you. Aapna khayal rakhiyega. God bless you.
Allah Hafiz.

[Honey Arab]

Sarwar Jee, Salam,
Hope to find u in good health by the grace of God. Waise mein bhi bohot interest rakhti hoon urdu mein aur ghazals , shayris mein, aur aksar try bhi karti rehti hoonkkuch likhne ko aur aap ki book mein bhi apne collection mein add karna pasand karungi. Lekin aap India tak bhejenge kya?? Aur indian rupees ein kitne ki hogi mujhe??/ Plz reply dena.
Good luck & best wishes.. Apni dua ein yaad rakhna.
Honey Arab.

[Sarwar A. Raz]

azeeza HA: aadaab!

aap kaa Khat dekh kar maiN bohat hee Khush hu'aa aur dil se aap ke liye du'aa niklee. aap kee muHabbat hai k India se beTh kar kitaaboN kaa Khayaal kar rahee haiN.

maiN USA meiN hooN aur aap India meiN. Air Mail postage hee kitaab per $15 ke qareeb ho gee. Surface Mail ko'ee $8 ho gee lekin kitaab 2 maah meiN poNhche gee. zaahir hai k yeh soorateN Theek naheeN haiN.

maiN October 2004 meiN India jaa rahaa hooN. aap apnaa mailing address mujh ko em yaa pm se bhej deN. maiN Ocotber meiN aap ko kitaabeN India se hee bhej dooN gaa. ussee vaqt aap se baat cheet ho jaaye gee. iss taraH kitaab bhee mil jaaye gee aur Kharch bhee munaasib aa'ye gaa. meraa Khayaal hai k aap iss per raazee hoN gee.

aap ke mailing address kaa intizaar rahe gaa. aap itmeenaan rakheN k maiN va'da karooN gaa to pooraa zaroor karooN gaa!

Sarwar A. Raz :Sarwar: