*~**Sar jhukaogay to, Patthar devta ho jayega-Bashir Badr**~* -
17th December 2005, 03:48 AM
Bashir sahab ki ek bahaut mashoor nazm aap sabhi ke darmiyaan laayi hoon..umeed hai aap sabhi ise pasand karenge.
-------------------------------------------------------------------------------------------------------------------------------------------------------------------------------
Sar jhukaogay to, patthar devta ho jayega,
Itna mat chaaho usay, woh be-wafa ho jayega !
Hum bhi dariya hain hamein, apna hunar maaloom hain,
Jis taraf bhi chal padangay, raasta ho jayega !
Main khuda ka naam lay kar, pee raha hoon doston,
Zahar bhi ismay agar, hoga dava ho jayega !
Rooth jana to mohabbat kee, alamat hai magar,
Kya khabar thi mujh say woh, itna khafa ho jayega !
Sar jhukaogay to patthar devta ho jayega,
Itna mat chaho usay woh be-wafa ho jayega !
"Roz Kii Taraah Aaj Bhii Taare
Subha Kii Gard MeiN Naa Kho JaayeiN
Aa ! Tere Gham MeiN Jaagtii AankheiN
Kam Se Kam Aik Raat So JaayeiN."