Jigar Moradabadi ke chand ash'aar

Daanish_ Hyd · **Jigar Moradabadi ke chand ash'aar -** 8th January 2006, 02:43 PM

ab unka kya bharosa woh aayeN ya na aayeN
aa ae gham-e-mohabbat tujh ko gale lagayeN
baitha huN mast-o-bekhud, khaamosh haiN fizaeN
kaanoN meiN aa rahi haiN bhooli hui sadaeN
ash'aar ban ke nikleN jo seena-e-jigar se
sab husn-e-yaar ki theeN, besaakhta adaeN
besaakhta=unrestrained
----------------------------------
hazaar dil ko mita kar, diya mujhe ik dard
us ek dard ko phir dil bana diya tu ne
----------------------

dil ko sukoon, rooh ko aaraam aa gaya
maut aa gayi ke dost ka paighaam aa gaya

jab koi zikr-e-gardish-e-ayyaam aa gaya
be ikhtiyaar lab pe tera naam aa gaya

deewangi ho, aql ho, umeed ho ke yaas
apna wahi hai waqt pe jo kaam aa gaya

---------------------
yahaaN tak jazb karluN kaash tere husn-e-kaamil ko
tujhi ko sab pukaar utheN guzar jauN jidhar ho kar
jazb=absorb, husn-e-kaamil= perfect beauty

--------------------

sunane chale haiN unheN qissa-e-gham
bahut dil ke haathoN se majboor ho kar
tajaahul, taghaaful, tabassum, takallum
yahaN tak to pahunche woh majboor ho kar
tajaahul=ignorance, takallum=conversation
-------------
kabhi un madbhari aankhoN se, piya tha ik jaam
aaj tak hosh nahiN, hosh nahiN hosh nahiN
ab to taseer-e-gham-e-ishq yahaaN tak pahunchi
ke idhar hosh agar hai, to udhar hosh nahiN
taseer=power, effect
---------------

Shimul · **Aadab :) -** 15th January 2006, 03:40 AM

Dear Daanish Jee, Hope You Are Well

Aapko yahaan par parhna hi shayaad miss kar gayi thi...! Dil Ko Bohot Achchha Laga.......**Kuchh ashar Jigar Moradabadi Jee Ki Aapse Share Kar Rahi Houn...:

Rag Rag Mein Iss Tarah Wo Samaa Kar Chale Gaye,
Jaise Mujh Hii Ko Mujhse Chouraa Kar Chale Gaye

Aaye Thhe Dil Ki Pyaas Bujhaane Ke Waaste,
Ik Aag Sii Wo Aur Lagaa Kar Chale Gaye...!

~~~*~~~

Na Garaz Kisii Se Na Wastaa_Mujhe Kaam Aapne Hii Kaam Se,
Tere Zikr Se_Terii Fikr Se_Terii Yaad Se_Tere Naam Se.......**

~~~*~~~

Main Aapnii Aah Ke Sadqe Ki Meri Aah Mein Bhii,
Terii Nigaah Ke Andaaz Paaye Jaate Hain...!

Ye Aapnii Tark-e-Muhabbat Bhii Keyaa Muhabbat Hain,
Jinhein Bhulaate Hain Wo Yaad Aaye Jaate Hain...**

~~~*~~~

Dil Ki Gehraaion Ki Gehraaion Se Dher Dher Dher Saare Phoul_Shukriya Quboul Kijiyega

**Aapko Parhkar Dil Ko Achchha Lagta Hain...Likhte Rahiyega**Khush Rahiye ye Duwaaon ke saath ijaazat...**Take Care**...**God bless You.