Kisi ko udaas dekhkar..... -
2nd April 2005, 11:14 AM
Sahir Ludhianviji ka ek behatareen kalaam...
kisii ko udaas dekh kar......
tumhein udaas saa paataa huun main kaii din se.
naa jaane kaun se sadame uthaa rahii ho tum.....
vo shoKhiyaan, vo tabassum, vo kahkahe na rahe,
har ek chiiz ko hasrat se dekhatii ho tum...
chhupaa chhupaa ke Khamoshii mein apanii bechainii,
Khud apane raaz kii taashiir ban gaii ho tum....
merii ummiid agar mit gaii to mitane do,
ummiid kyaa hai,bas ek paas-o-pesh hai,kuchh bhii nahiin...
merii hayaat kii ghamGiiinion kaa Gam na karo,
Gam-e-hayaat,gham-e-yak-nafass hai,kuchh bhii nahiin....
tum apane husn kii raanaaiion par raham karo,
vafaa fareb hai,tul-e-havas hai,kuchh bhii nahiin....
mujhe tumhaare tagaaful se kyuun shikaayat ho,
merii fanaa meer ehasaas kaa taqaazaa hai....
main jaanataa huun ke duniyaa kaa khauf hai tum ko,
mujhe khabar hai ye duniyaa ajiib duniyaa hai...
yahaan hayaat ke parde mein maut chalatii hai,
shikast-e-saaz kii aawaaz mein ruuhe nagmaa hai...
mujhe tumhaarii judaaii kaa koii ranj nahiin,
mere khayaal kii duniyaa mein mere paas ho tum....
ye tum ne thiik kaha hai tumhein milaa na karuun,
magar mujhe yeh to bataa do ki kyuun udaas ho tum...
khafaa na ho merii jurrat-e-takhtab par,
tumhein khabar hai merii zindagii kii aas ho tum...
meraa to kuchh bhii nahiin hai,main ro ke jii luungaa,
magar khudaa ke liye tum asiir-e-Gam na raho...
huaa hii kyaa jo zamaane ne tum ko chhiin liyaa,
yahaan par kaun huaa hai kisii kaa socho to....
mujhe qasam hai merii dukh bharii jawaanii kii,
main khush huun,merii mohabbat ke phuul thukaraa do...
main apane ruuh kii har ek khushii mitaa saktaa huun,
magar tumhaarii masarrat mitaa nahiin sakataa...
main khud ko maut ke haathon mein saunp sakataa huun,
magar ye bar-e-masaaib uthaa nahiin sakataa...
tumhaare gham ke sivaa aur bhii to gham hain mujhe,
nijaat jin se main ek lahaza paa nahiin sakataa....
ye uunche uunche makaanon kii deyodiiyon ke taley,
har kaam pe bhuuke bhikaariiyon kii sadaa...
har ek ghar mein aflaas aur bhuuk kaa shor,
har ek simt ye insaaniyat kii aah-o-bukaa...
ye karakhaanon mein lohe kaa shor-o-gul jis mein,
hai dafn laakhon gariibon kii ruuh kaa nagmaa...
ye sharahon pe rangiin saadiion kii jhalak,
ye jhonpadiyon mein gariibon ki be-kafan laashein...
ye maal road pe caron kii rail pail kaa shor,
ye patariyon pe gariibon ke zard_ruu bachhe...
galii galii mein bikate hue javaan chehare,
hasiin aankhon mein afsurdagii sii chhaii huii...
ye jang aur ye mere vatan ke shokh javaan,
khariidii jaatii hain uthatii javaaniyaan jinakii...
ye baat baat pe kaanuun aur zabt kii giraft,
ye ziisq ye gulaamii ye daur-e-majabuurii...
ye Gam hain bahot merii zindagii mitaane ko,
udaas rah ke mere dil ko aur ranj na do....
Mohabbat...
Naina
Ek se musaafir hain, Ek sa muqaddar hai...
Main zameen pe tanha, aur woh aasmaano mein...
|